ອາເຈນຕິນາເລີ່ມໃຊ້ທະນະບັດໃໝ່ 10.000 ເປໂຊອາເຈນຕິນາ ສູ້ໄພເງິນເຟີ້
ທາງການອາເຈນຕິນາ ປະກາດເປີດຕົວທະນະບັດ 10.000 ເປໂຊອາເຈນຕິນາ ມູນຄ່າທຽບເທົ່າ 11 ໂດລາສະຫະລັດ ເຊິ່ງມີມູນຄ່າຕາມຕາມໜ້າສານຫລາຍກວ່າທະນະບັດ 2.000 ເປໂຊອາເຈນຕິນາ ເຖິງ 5 ເທົ່າ.
ວັນທີ 8 ພຶດສະພາ, ສໍານັກຂ່າວຕ່າງປະເທດລາຍງານວ່າ: ທະນາຄານກາງອາເຈນຕິນາ (BCRA) ລະບຸໃນຖະແຫລງການວ່າ: ທະນະບັດສະບັບໃໝ່ນີ້ສາມາດຮັບໄດ້ຢູ່ທະນາຄານ ແລະ ຕູ້ກົດເງິນອັດຕະໂນມັດ (ATM) ທົ່ວປະເທດ ເຊິ່ງຈະຊ່ວຍໃຫ້ປະຊາຊົນພົກພາທະນະບັດຈໍານວນໜ້ອຍລົງ.
ປັດຈຸບັນ, ອາເຈນຕິນາ ຕົກຢູ່ໃນວິກິດເສດຖະກິດ ແລະ ຜະເຊີນອັດຕາເງິນເຟີ້ຕໍ່ປີສູງເກືອບ 290% ເນື່ອງຈາກຄວາມທຸກຍາກ ສົ່ງຜົນກະທົບຕໍ່ປະຊາກອນປະມານເຄິ່ງໜຶ່ງຂອງປະເທດ.
ເຖິງວ່າທາງການອາເຈນຕິນາຫາກໍປະກາດໃຊ້ທະນະບັດ 10.000 ເປໂຊອາເຈນຕິນາ, ແຕ່ BCRA ລະບຸອີກວ່າ: ຈະມີການອອກທະນະບັດ 20.000 ເປໂຊອາເຈນຕິນາ ໃນທ້າຍປີນີ້ ໂດຍໃຫ້ເຫດຜົນວ່າ: ສະຖານະການດ້ານເສດຖະກິດຂອງປະເທດ ຍັງບໍ່ມີທ່າອ່ຽງທີ່ດີຂຶ້ນ.
ທາງການອາເຈນຕິນາ ອອກທະນະບັດ 2.000 ເປໂຊອາເຈນຕິນາ ໃນປີຜ່ານມາ ແລະ ການອອກທະນະບັດທີ່ມີມູນຄ່າຫລາຍກວ່າ ຖືວ່າບໍ່ແມ່ນເລື່ອງແປກໃໝ່ ເພາະປະເທດເຄີຍມີທະນະບັດທີ່ມີມູນຄ່າຕາມກາໜ້າສານ 1 ລ້ານເປໂຊອາເຈນຕິນາ ໃນປີ 1980.
