ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ

May 6, 2024 - 4:02 PM
ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - 8a7fad07c6de04d6d182d975687b362a - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ
ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - kitchen vibe - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ

     ທາງການອິດສະລາແອນສົ່ງກໍາລັງເຈົ້າໜ້າທີ່ຄວາມໝັ້ນຄົງບຸກເຂົ້າຫ້ອງພັກພາຍໃນໂຮງແຮມແຫ່ງໜຶ່ງໃນນະຄອນເຢຣູຊາເລັມ ເຊິ່ງໃຊ້ເປັນສໍານັກງານຂອງເຄືອຂ່າຍສະຖານີໂທລະພາບ Al Jazeera ພ້ອມຢຶດອຸປະກອນກະຈາຍສຽງ ພາຍຫລັງລັດຖະບານເທລອາວີບມີຄໍາສັ່ງປິດການດໍາເນີນງານຂອງສໍານັກຂ່າວສັນຊາດກາຕາ.

     ກ່ອນໜ້ານີ້, ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີອິດສະລາແອນ ໄດ້ເຜີຍແຜ່ຖະແຫລງການຜ່ານ X ລະບຸວ່າ: “ລັດຖະບານທີ່ນໍາໂດຍຂ້າພະເຈົ້າໄດ້ຕັດສິນໃຈຢ່າງເປັນເອກະພາບ: ຊ່ອງ Al Jazeera ທີ່ຍຸຍົງປຸກປັ່ນຈະຖືກປິດຢູ່ອິດສະລາແອນ”.

ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - Visit Laos Visit SALANA BOUTIQUE HOTEL - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ

     ຂະນະທີ່ຄະນະລັດຖະບານອິດສະລາແອນຊີ້ສາເຫດໃນການສັ່ງປິດການເຮັດວຽກຂອງ Al Jazeera ໂດຍອ້າງວ່າເປັນໄພຄຸກຄາມຄວາມໝັ້ນຄົງຂອງປະເທດ.

     ສ່ວນກະຊວງຄົມມະນາຄົມຂອງອິດສະລາແອນລະບຸວ່າ: ການອອກອາກາດຂອງ Al Jazeera ທາງເຄເບິລ ແລະ ດາວທຽມຖືກປິດ ແລະ ການເຂົ້າເຖິງເວັບໄຊຖືກບັອກເຊັ່ນກັນ.

     ການເຄື່ອນໄຫວດັ່ງກ່າວເກີດຂຶ້ນ 1 ເດືອນຫລັງຈາກທ່ານ ເນທັນຢາຮູ ໃຫ້ຄໍາໝັ້ນວ່າຈະປິດສະຖານີໂທລະພາບ Al Jazeera ຢູ່ອິດສະລາແອນພາຍຫລັງການຜ່ານກົດໝາຍໃໝ່ ເຊິ່ງວາງຂໍ້ຈໍາກັດຫລາຍຢ່າງກ່ຽວກັບການປະຕິບັດໜ້າທີ່ຂອງ Al Jazeera ຢູ່ອິດສະລາແອນ.

     ສໍານັກງານສິດທິມະນຸດແຫ່ງສະຫະປະຊາຊາດປະນາມການກະທໍາຂອງທ່ານ ເນທັນຢາຮູ ວ່າເປັນການຈໍາກັດເສລີພາບຂອງສື່ມວນຊົນ. ພ້ອມສະແດງຄວາມເສຍໃຈຕໍ່ການຕັດສິນໃຈຂອງລັດຖະບານອິດສະລາແອນ.

     ຂະນະທີ່ Al Jazeera ຕອບໂຕ້ການສັ່ງປິດຂອງອິດສະລາແອນວ່າເປັນການກະທໍາທີ່ມີຄວາມຜິດທາງອາຍາ ແລະ ລະເມີດສິດທິມະນຸດໃນການເຂົ້າເຖິງຂໍ້ມູນ. ພ້ອມຊີ້ວ່າ: ຂໍ້ກ່າວຫາຂອງລັດຖະບານອິດສະລາແອນທີ່ເບິ່ງວ່າ Al Jazeera ຄຸກຄາມຄວາມໝັ້ນຄົງນັ້ນເປັນການຂີ້ຕົວະທີ່ອັນຕະລາຍ ແລະ ໄຮ້ສາລະ ແລະ ເຮັດໃຫ້ນັກຂ່າວຂອງສະຖານີໂທລະພາບຕົກຢູ່ໃນຄວາມສ່ຽງ ແລະ ຢືນຢັນວ່າ: ຈະດໍາເນີນການຕອບໂຕ້ຕາມຂັ້ນຕອນທາງກົດໝາຍໃນທຸກວິທີ.

      ເຖິງຢ່າງໃດກໍຕາມ, ທ່າທີຂອງອິດສະລາແອນມີຂຶ້ນໃນລະຫວ່າງການເຈລະຈາຢຸດຍິງ ແລະ ປ່ອຍຕົວປະກັນລະຫວ່າງຜູ້ແທນກຸ່ມຮາມັດ ແລະ ຜູ້ໄກ່ເກ່ຍ ຄືກາຕາ ແລະ ອີຢິບ ຢູ່ນະຄອນຫລວງໄຄໂຣມີສັນຍາບວກເລັກໜ້ອຍ.

     ໂດຍທ່ານ ອິສມາອິລ ຮານິເຢ ຜູ້ນໍາຮາມັດ ເຜີຍແຜ່ຖະແຫລງການວ່າ: ທາງກຸ່ມຕ້ອງການຈະບັນລຸຂໍ້ຕົກລົງ ແລະ ມີທ່າທີໃນທາງບວກ ແລະ ຫລຸດຜ່ອນໃນການເຈລະຈາ, ແຕ່ເນັ້ນວ່າ: ຂໍ້ສະເໜີໃດໆຈະຕ້ອງຮັບຮອງວ່າອິດສະລາແອນຈະຖອນກໍາລັງທະຫານ ແລະ ຢຸດການສູ້ຮົບຢູ່ເຂດກາຊາຢ່າງຖາວອນ. ຂະນະທີ່ທ່ານ ເນທັນຢາຮູ ຢືນຢັນວ່າ: ບໍ່ສາມາດຕອບຮັບຂໍ້ຮຽກຮ້ອງຂອງຮາມັດໄດ້.

ອ້າງອີງ:

ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - 5 - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ
ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - 3 - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ
ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ - 4 - ອິດສະລາແອນ ສັ່ງປິດສໍານັກງານ Al Jazeera ພາຍໃນປະເທດ ເຜີຍວ່າເປັນໄພຄຸກຄາມຄວາມໝັ້ນຄົງ

Your Might Also Like