ຫວຽດນາມ ຄຸມຕົວ ເລຂາພັກແຂວງ, ແຂວງບັກຢາງ ຊົ່ວຄາວ ໃນຂໍ້ຫາທີ່ກະທຳຜິດ ລະບຽບຂອງພັກ

ສຳນັກຂ່າວ VnExpress ຂອງຫວຽດນາມ ລາຍງານວ່າ: ວັນທີ 1 ພຶດສະພາ 2024 ຄະນະປະຈຳສະພາແຫ່ງຊາດຫວຽດນາມ ໄດ້ເຫັນດີຕໍ່ຄຳສະເໜີຂອງໄອຍະການປະຊາຊົນສູງສຸດ ໃຫ້ດຳເນີນຄະດີ, ຄົ້ນສະຖານທີ່ ແລະ ຄຸມຕົວ ທ່ານ ເຢືອງວັນທາຍ ເລຂາພັກແຂວງ, ແຂວງບັກຢາງ ຊົ່ວຄາວ ໃນຖານກະທຳຜິດລະບຽບຂອງພັກ.

ຕອນຄໍ່າວັນທີ 1 ພຶດສະພາ 2024, ທ່ານ ບຸຍວັນ ເກືອງ ເລຂາທິການສະພາແຫ່ງຊາດຫວຽດນາມ ໄດ້ແຈ້ງຂໍ້ຕົກລົງຂອງຄະນະປະຈຳສະພາແຫ່ງຊາດ ໃນການດຳເນີນຄະດີຕໍ່ທ່ານ ເຢືອງວັນທາຍ ທີ່ລົງນາມໃນວັນທີ 26 ເມສາ 2024, ພ້ອມດຽວກັນນັ້ນ ຄະນະປະຈຳສະພາແຫ່ງຊາດ ກໍໄດ້ອອກຄຳສັ່ງໃຫ້ ທ່ານ ເຢືອງວັນທາຍ ຢຸດຕິການປະຕິບັດສິດ ແລະ ໜ້າທີ່ເປັນສະມາຊິກສະພາແຫ່ງຊາດ ຊຸດທີ 15 ນັບແຕ່ມື້ມີຂໍ້ຕົກລົງດຳເນີນຄະດີເປັນຕົ້ນໄປ.