ກຸ່ມຮາມັດ ກໍາລັງພິຈາລະນາຂໍ້ສະເໜີຢຸດຍິງ-ແລກປ່ຽນຕົວປະກັນຄັ້ງໃໝ່
ສໍານັກຂ່າວຕ່າງປະເທດລາຍງານວ່າ: ກຸ່ມຮາມັດ ກໍາລັງພິຈາລະນາຂໍ້ສະເໜີຢຸດຍິງ ແລະ ແລກປ່ຽນຕົວປະກັນຄັ້ງໃໝ່ທີ່ສະເໜີໂດຍທາງການອີຢິບ ແລະ ອິດສະລາແອນ ເຊິ່ງສະເໜີໃຫ້ກຸ່ມຮາມັດປ່ອຍຕົວປະກັນ 33 ຄົນ ເພື່ອແລກປ່ຽນການຢຸດຍິງຊົ່ວຄາວຢູ່ເຂດກາຊາ ໂດຍແຫລ່ງຂ່າວອິດສະລາແອນຊີ້ວ່າ: ຂໍ້ຕົກລົງນີ້ອາດຊ່ວຍຫລີກເວັ້ນປະຕິບັດການບຸກໂຈມຕີພາກພື້ນດິນຢູ່ເມືອງຣາຟາຂອງກອງທັບອິດສະລາແອນໄດ້.
ຂໍ້ສະເໜີຫລ້າສຸດຈະແບ່ງອອກເປັນ 2 ໄລຍະ ໂດຍໄລຍະທໍາອິດສະເໜີໃຫ້ກຸ່ມຮາມັດປ່ອຍຕົວປະກັນ 20-33 ຄົນ ພາຍໃນໄລຍະຫລາຍອາທິດແລກກັບການຢຸດຍິງຊົ່ວຄາວ ແລະ ປ່ອຍຕົວນັກໂທດຊາວປາແລັສຕິນ, ສ່ວນໄລຍະທີສອງອາດເອີ້ນວ່າເປັນ “ໄລຍະການຟື້ນຟູຄວາມສະຫງົບທີ່ຍືນຍົງ” (Restoration of Sustainable Calm) ເຊິ່ງຈະມີການແລກປ່ຽນຕົວປະກັນທີ່ເຫລືອ, ທະຫານອິດສະລາແອນທີ່ຖືກກັກຂັງ ລວມທັງສົບຂອງຕົວປະກັນທີ່ເສຍຊີວິດ ກັບນັກໂທດຊາວປາແລັສຕິນຫລາຍຂຶ້ນ.
ອ້າງອີງ:
- https://edition.cnn.com/2024/04/29/middleeast/hamas-israel-ceasefire-proposal-cairo-talks-intl/index.html
- https://www.france24.com/en/middle-east/20240430-%F0%9F%94%B4-live-hamas-reviews-israeli-proposal-for-cease-fire-rafah-offensive-looms
- https://www.aljazeera.com/news/2024/4/29/us-uk-urge-hamas-to-accept-israeli-truce-proposal-in-war-on-gaza
