ຜູ້ລາຍງານຂ່າວຍິງເປັນລົມກາງລາຍການ ສາເຫດຍ້ອນອາກາດຮ້ອນ

     ອາກາດຮ້ອນອົບເອົ້າ ເຮັດໃຫ້ຜູ້ລາຍງານຂ່າວຍິງເປັນລົມໝົດສະຕິ ເວລາອ່ານຂ່າວອອກອາກາດ ສາເຫດຍ້ອນອາກາດຮ້ອນອົບເອົ້າ ໂຊກດີທີມງານເຂົ້າມາຊ່ວຍເຫລືອໄດ້ທັນ.

     ວັນທີ 26 ເມສາ, ຕ້ອງຍອມຮັບວ່າໄລຍະນີ້ອາກາດຮ້ອນອົບເອົ້າ ເຊິ່ງປະເທດລາວອຸນຫະພູມສູງສຸດເຖິງ 43 ອົງສາ ຫລ້າສຸດເກີດເຫດການເຮັດໃຫ້ຄົນໃນຫ້ອງຂ່າວຢູ່ປະເທດອິນເດຍ ລວມທັງປະຊາຊົນຕົກໃຈ ເພາະຜູ້ລາຍງານຂ່າວໝົດສະຕິກາງລາຍການໃນເວລາອ່ານຂ່າວ.

     ໂດຍເພລ World Forum ຂ່າວສານຕ່າງປະເທດ ໄດ້ໂພສວິດີໂອພ້ອມຂໍ້ຄວາມລະບຸວ່າ: ອິນເດຍ ນາທີນັກຂ່າວເປັນລົມ ເວລາອ່ານຂ່າວເລື່ອງອາກາດຮ້ອນ ອອກອາກາດສົດ.

      ນາງ ໂລປາມຸດຣາ ຊິນຮາ ຜູ້ລາຍງານຂ່າວປະຈໍາດໍດາຊານ ສາຂາໂກລກາຕາ ນາງເປັນລົມໃນເວລາອ່ານຂ່າວ ຫລັງຈາກຟື້ນນາງກ່າວວ່າ: ນາງເປັນລົມ ເນື່ອງຈາກຄວາມຮ້ອນ ແລະ ຄວາມດັນເລືອດຂອງນາງຫລຸດລົງກະທັນຫັນ ໃນຫ້ອງຂ່າວມີບັນຫາລະບາຍຄວາມຮ້ອນ ພາຍໃນຫ້ອງຂ່າວຄວາມຮ້ອນສູງ ນາງຮູ້ສຶກບໍ່ສະບາຍ ແລະ ຄໍແຫ້ງກ່ອນອອກອາກາດ, ເວລານັ້ນນາງບໍ່ໄດ້ດື່ມນ້ຳ ແລະ ບໍ່ເຄີຍເອົາຂວດນໍ້າຕິດຕົວນໍາ, ເວລານາງເປັນລົມ ໂຊກດີທີ່ຈໍສະແດງແອນິເມຊັນ ທີມງານໄດ້ເຂົ້າມາຊ່ວຍນາງ ໃຊ້ນໍ້າເຊັດຕາມໃບໜ້າ ແລະ ໃຫ້ນາງດື່ມນໍ້າ.

      ນາງຍັງບອກການດື່ມນໍ້າເປັນສິ່ງຈໍາເປັນໃນໄລຍະອາກາດຮ້ອນ ແລະ ບອກໃຫ້ທຸກຄົນເບິ່ງແຍງສຸຂະພາບ, ຢູ່ອິນເດຍຄື້ນຄວາມຮ້ອນປົກຄຸມອຸນຫະພູມສູງ 40-46 ອົງສາ.