ແຂວງຊຽງຂວາງມີອຸປະຕິເຫດເກີດຂຶ້ນ 9 ລາຍ ມູນຄ່າເສຍຫາຍ ເກືອບ 300 ລ້ານກວ່າກີບ

ຕາມການໃຫ້ສຳພາດ ຂອງ ທ່ານ ພັນໂທ ທອງພິມ ຄໍາພາວົງ ຫົວໜ້າພະແນກ ພະແນກຕໍາຫຼວດຈະລາຈອນກອງບັນຊາການປ້ອງກັນຄວາມສະຫງົບແຂວງຊຽງຂວາງຕໍ່ສື່ມວນຊົນຂອງແຂວງວ່າ: ໄລຍະບຸນປີໃໝ່ລາວ ແຕ່ວັນທີ່ 11-17ເມສາ 2024 ທົ່ວແຂວງຊຽງຂວາງມີອຸປະຕິເຫດເກີດຂຶ້ນທັງໝົດ 9 ລາຍ ມີພາຫະນະເປ່ເພ: 18 ຄັນ ຄົນໄດ້ຮັບບາດເຈັບ 16 ຄົນ, ເສຍຊີວິດ 02 ຄົນ ລວມມູນຄ່າເສຍຫາຍທັງໝົດປະມານ 295,000,000 ກີບ. ທຽບໃສ່ປີ່ຜ່ານມາ ເຫັນວ່າເພີ່ມຂຶ້ນ 3 ກໍລະນີ

ໃນໄລຍະບຸນປີໃຫມ່ລາວປີ ຜ່ານມາ ອຸປະຕິເຫດເກີດຂຶ້ນທັງໝົດ 06 ລາຍ.
ພາຫະນະເປ່ເພ ທັງໝົດ 11 ຄັນ ໃນນັ້ນເປ່ເພເລັກນ້ອຍ 06 ຄັນ, ສົມຄວນ 05 ຄັນ, ຄົນໄດ້ຮັບບາດເຈັບ ເລັກນ້ອຍ 05 ຄົນ, ສົມຄວນ 03 ຄົນ. ສາຫັດ 01 ຄົນ, ເສຍຊີວິດ 02 ຄົນ ລວມມູນຄ່າເສຍຫາຍທັງໝົດປະມານ 165.000.000 ກີບ. (ໜຶ່ງຮ້ອຍຫົກສິບຫ້າລ້ານກີບ)

ພາບ+ຂ່າວ: ສື່ມວນຊົນແຂວງ