ໂຈນ ກຽໝຕໍ່ສັນຍາໃໝ່ກັບ ແມນເຊສເຕີ ຢູໄນເຕັດ ແລ້ວ

ຟິລ ໂຈນ ກອງຫຼັງຂອງ ທີມ ແມນເຊສເຕີ ຢູໄນເຕັດ ໃກ້ ທີ່ຈະຕໍ່ສັນຍາກັບທີມແລ້ວ ໂດຍຈະໄດ້ຮັບເງິນຄ່າຈ້າງ ເພີ່ມເປັນ 150.000 ປອນຕໍ່ ອາທິດ ຕາມລາຍງານຂອງ “ເດິ ມິເຣີ” ສື່ຊື່ດັງຂອງ ອັງ ກິດ.
ໂຈນ ເຫຼືອສັນຍາຢູ່ກັບທີມ ອີກ 20 ເດືອນ ເຊິ່ງ ໂຮເຊ ມູຣິນໂຢ ຜູ້ຈັດການທີມຄົນເກັ່ງ ຂອງ ແມນເຊສເຕີ ຢູໄນເຕັດ ເບິ່ງວ່າລາວເປັນກຳລັງສຳ ຄັນສຳລັບແຜນວຽກໃນອະ ນາຄົດ ຈົນຕັ້ງໃຈທີ່ຈະຕໍ່ສັນຍາ ກັບລາວ ຫຼັງຈາກທີ່ດາວເຕະ ທີມຊາດອັງກິດ ເຮັດຜົນງານ ໄດ້ໜ້າປະທັບໃຈໃນລະດູການນີ້ ແລະ ໄດ້ລົງຫຼິ້ນໃນລີກໄປ ແລ້ວ 8 ນັດ.
ທັງນີ້ຫາກ ໂຈນ ຕົກລົງ ຕໍ່ສັນຍາກັບທີມ ມັນກໍຈະເຮັດ ໃຫ້ລາວເປັນໜຶ່ງໃນກອງຫຼັງທີ່ໄດ້ຮັບຄ່າຈ້າງສູງສຸດຂອງພຣີເມຍລີກ ໂດຍຈະຢູ່ໃນລະດັບ ດຽວກັບ ດາວິດ ຫຼຸຍ ກອງຫຼັງ ຊາວບຣາຊິລ ຂອງທີມ ເຊລຊີ ແລະ ແວ໊ງຊ໊ອງ ກອມປານີ ກອງຫຼັງຂອງທີມ ແມນເຊສເຕີ ຊິຕີ.