ຜູ້ຕ້ອງຫາຫລອກລວງດ້ວຍການພະນັນ 680 ກວ່າຄົນຖືກຄຸມຕົວສົ່ງກັບຄືນປະເທດຈີນຈາກກຳປູເຈຍ

ອີງຕາມ CMG FM93 ລາຍງານວ່າ: ກະຊວງປ້ອງກັນຄວາມສະຫງົບຈີນແຈ້ງໃຫ້ຮູ້ຕອນເຊົ້າວັນທີ 21 ເມສາ 2024 ນີ້, ສາມາດຄຸມຕົວຜູ້ຕ້ອງຫາສັນຊາດຈີນທີ່ຫລອກລວງດ້ວຍການພະນັນ 135 ຄົນ ຄຽງຄູ່ກັບຍົນຮັບເໝົາສອງລຳຂອງການບິນພົນລະເຮືອນຈີນລົງຈອດຢູ່ສະໜາມບິນສາກົນທ່ຽນເຮີ ນະຄອນອູຮັ້ນ ແຂວງຫູເປຈີນ, ຖືກອົງການປ້ອງກັນຄວາມສະຫງົບຈີນຄຸມຕົວສົ່ງກັບຄືນປະເທດຈີນຈາກກຳປູເຈຍ. ຮອດປັດຈຸບັນ, ຜູ້ຕ້ອງຫາສັນຊາດຈີນທີ່ຫລອກລວງດ້ວຍການພະນັນ 680 ກວ່າຄົນທີ່ຖືກຕຳຫລວດກຳປູເຈຍຈັບຕົວນັ້ນລ້ວນແຕ່ໄດ້ຖືກອົງການປ້ອງກັນຄວາມສະຫງົບຈີນຄຸມຕົວສົ່ງກັບຄືນຮອດປະເທດຈີນແລ້ວ.

ຜູ້ຮັບຜິດຊອບທີ່ກ່ຽວຂ້ອງຂອງກະຊວງປ້ອງກັນຄວາມສະຫງົບຈີນແຈ້ງໃຫ້ຮູ້ວ່າ: ອົງການປ້ອງກັນຄວາມສະຫງົບຈີນຈະສືບຕໍ່ຮັກສາຫານໂຈມຕີຢ່າງເຂັ້ມງວດຕໍ່ອາດຊະຍາກຳປະເພດນີ້ຢ່າງສະເໝີຕົ້ນສະເໝີປາຍ ເພື່ອປົກປັກຮັກສາຄວາມປອດໄພດ້ານຊີວິດ ແລະ ຊັບສິນຂອງປະຊາຊົນທັງຫລາຍ.