ຫລຸດນ້ຳໜັກໂດຍບໍ່ຕ້ອງກິນໃຫ້ໜ້ອຍລົງ
– ກິນຊີ້ນແກະ : ນັກວິທະຍາສາດຄົ້ນພົບວ່າໃນຊີ້ນແກະມີກົດ CLA ເຊິ່ງເປັນກົດໄຂມັນຈຳເປັນທີ່ຮ່າງກາຍບໍ່ສາມາດສັງເຄາະເອງໄດ້ ອີກທັງຊ່ວຍໃຫ້ຮ່າງກາຍຫລຸດການເກັບຮັກສາໄຂມັນ ແລະ ເລັ່ງໃຫ້ເກີດການໃຊ້ໄຂມັນເພື່ອເອົາໄປຜະລິດເປັນພະລັງງານ ໂດຍມີຜົນການວິໄຈທີ່ຕີພິມໃນວາລະສານ British Journal of Nutrition ທີ່ລະບຸວ່າ : ຜູ້ຄົນທີ່ໄດ້ຮັບກົດ CLA ເປັນເວລາຕໍ່ເນື່ອງກັນ 6 ເດືອນ ສາມາດຫລຸດໄຂມັນໃນຮ່າງກາຍລົງໄດ້ 4% ໂດຍສະເພາະໄຂມັນຢູ່ກົກຂາ.
– ກິນຖົ່ວຊ່ວຍໃນການຂັບຖ່າຍ : ໃນຖົ່ວນັ້ນອຸດົມໄປດ້ວຍເສັ້ນໄຍອາຫານຊະນິດລະລາຍນ້ຳໄດ້ ເຊິ່ງຊ່ວຍໃຫ້ອີ່ມ ແລະ ຍັງດີຕໍ່ ລະບົບຂັບຖ່າຍນຳອີກ ໂດຍນັກວິໄຈແອດສະປາຍໄດ້ສຶກສາຈາກກຸ່ມໂຕຢ່າງທີ່ເປັນຜູ້ຊາຍທັງໝົດ 200 ຄົນ ພົບວ່າ : ຜູ້ທີ່ກິນຖົ່ວຕິດຕໍ່ກັນເປັນເວລາ 4 ເດືອນ ສາມາດຫລຸດນ້ຳໜັກລົງ 5 ກິໂລກຣາມ.
– ກິນໝາກເຜັດຫລຸດຄວາມຢາກອາຫານ : ຮູ້ຫລືບໍ່ວ່າການກິນໝາກເຜັດສາມາດຫລຸດຄວາມຢາກອາຫານໄດ້ ເນື່ອງຈາກໃນ ໝາກເຜັດມີສານຊະນິດໜຶ່ງຊື່ແຄັບໄຊຊິນ ສານດັ່ງກ່າວຍັງຊ່ວຍເລັ່ງຂະບວນການເຜົາຜານຂອງຮ່າງກາຍໄດ້ນຳອີກ ດັ່ງນັ້ນໝາກເຜັດຈຶ່ງເໝາະສົມສຳລັບຄົນທີ່ຢາກຫລຸດນ້ຳໜັກທັງຍິງ ແລະ ຊາຍ.
– ກິນໄຂ່ເປັນເຂົ້າເຊົ້າ : ການກິນໄຂ່ເປັນເຂົ້າເຊົ້າຈະຊ່ວຍຫລຸດປະລິມານກາລໍຣີໂດຍລວມທີ່ຮ່າງກາຍໄດ້ຮັບມາໝົດມື້ ເນື່ອງຈາກໄຂ່ນັ້ນອຸດົມໄປດ້ວຍໂປຣຕິນຊ່ວຍ ເຮັດໃຫ້ທ່ານຮູ້ສຶກອີ່ມໄດ້ດົນກ່ວາ.
– ຕື່ມສາຫລ່າຍເຂົ້າໄປໃນຄາບເຂົ້າ : ມະຫາວິທະຍາໄລ ແຊບຟິລຮາລາມ ເປີດເຜີຍວ່າ ການເພີ່ມສາຫລ່າຍເຂົ້າໄປໃນຄາບເຂົ້າຕາມປົກກະຕິ ຈະຊ່ວຍຫລຸດປະລິມານກາລໍຣີທີ່ຮ່າງກາຍໄດ້ຮັບລົງໄດ້ 7% ເນື່ອງຈາກສາຫລ່າຍເຮັດໃຫ້ອາຫານເຂົ້າສູ່ລະ ບົບຍ່ອຍອາຫານໄດ້ຊ້າລົງ ນັ້ນໝາຍຄວາມວ່າທ່ານຈະກິນໄດ້ໜ້ອຍລົງ ແຕ່ຮູ້ສຶກອີ່ມໄວ.
– ກິນເພື່ອຮັກສາກ້າມຊີ້ນ : ຂໍ້ເສຍຢ່າງໜຶ່ງຂອງການຫລຸດນ້ຳໜັກກໍແມ່ນການສູນເສຍມວນກ້າມຊີ້ນໄປນຳ, ແຕ່ບັນຫານີ້ສາ ມາດຫລີກເວັ້ນໄດ້ໂດຍການກິນອາຫານທີ່ມີປະລິມານນ້ຳຕານຕໍ່າ ເຊັ່ນ : ເຜືອກ, ມັນ, ໝາກສາລີ, ເຂົ້າບໍ່ຜ່ານການຜັດສີ ຫລື ເຂົ້າຈີ່, ເຂົ້າໜົມປັງ ເຊິ່ງຈະສົ່ງຜົນດີຕໍ່ການຫລຸດນ້ຳໜັກ ແລະ ຊ່ວຍຮັກສາກ້າມຊີ້ນໄດ້ໃນເວລາດຽວກັນ ແລະເພີ່ມຄວາມດຸ່ນດ່ຽງໂດຍໂປຣຕິນໄບໂອຕິກທີ່ມີຫລາຍຢູ່ໃນນົມສົ້ມ ແລະ ໂຢເກິດ.
