ເກີດເຫດເຮືອຂົນສົ່ງຜູ້ໂດສານຫລົ້ມກາງແມ່ນ້ຳ ໃນປະເທດອິນເດຍ ມີຜູ້ເສຍຊີວິດ 6 ຄົນ ແລະ ສູນຫາຍຫລາຍຄົນ

ສຳນັກຂ່າວຕ່າງປະເທດລາຍງານວ່າ: ວັນທີ 16 ເມາສາ 2024 ນີ້ ເກີດເຫດເຮືອໂດຍສານນັກຮຽນ ແລະ ຄົນເຮັດວຽກ ຫລົ້ມກາງແມ່ນ້ຳ ເນລຳ ເມືອງສິນາຄາ ປະເທດອິນເດຍ ເຮັດໃຫ້ມີຜູ້ເສຍຊີວິດ 6 ຄົນ ແລະ ມີຜູ້ສູນຫາຍຫລາຍຄົນ ເຊິ່ງສ່ວນຫລາຍແມ່ນ ນັກຮຽນ ແລະ ຜູ້ປົກຄອງ ໂດຍເຈົ້າໜ້າທີ່ກູ້ໄພພະຍາຍາມແຂ່ງກັບເວລາໃນການຄົ້ນຫາຜູ້ສູນຫາຍ ຄາດວ່າຂະນະເກີດເຫດມີຜູ້ໂດຍສານຢູ່ເທິງເຮືອທັງໝົດ 15-20 ຄົນ ເຊິ່ງປະຊາຊົນ ແລະ ເຈົ້າໜ້າທີ່ສຸກເສີນໄດ້ຊ່ວຍເຫລືອຄົນຂຶ້ນຈາກນ້ຳໄດ້ 6 ຄົນ.

ສາເຫດຂອງເຮືອຫລົ້ມຄັ້ງນີ້ ເນື່ອງຈາກຝົນຕົກໜັກຢູ່ເຂດອື່ນເຮັດໃຫ້ລະດັບນ້ຳເພີ່ມສູງຂຶ້ນ ແລະ ກະແສນ້ຳແຮງຂຶ້ນ ເຮັດໃຫ້ເຊືອກມັດເຮືອຂາດຈຶ່ງເຮັດໃຫ້ເຮືອຈົມລົງໄປໃນນ້ຳ.