ພັກຂອງປະທານາທິບໍດີ ສ.ເກົາຫລີ ປະຊາໄຊໃນບັ້ນເລືອກຕັ້ງສະມາຊິກສະພາແຫ່ງຊາດ

ແຫລ່ງຂ່າວຈາກ VnExpress ລາຍງານຕອນເຊົ້າ 11 ເມສາ 2024 ນີ້ໃຫ້ຮູ້ວ່າ: ພັກອຳນາດປະຊາຊົນຂອງປະທານາທິບໍດີ ສ.ເກົາຫລີ ທ່ານ Yoon Suk-yeol ປະລາໄຊໃຫ້ແກ່ບັນດາພັກຝ່າຍຄ້ານ ໃນບັ້ນເລືອກຕັ້ງສະມາຊິກສະພາແຫ່ງຊາດດ້ວຍຄະແນນສຽງ 99%, ພັກຝ່າຍຄ້ານປະຊາທິປັດ DP ຍາດໄດ້ 170 ທີ່ນັ່ງໃນຈຳນວນທັງໝົດ 300 ທີ່ນັ່ງໃນສະພາ. ອີກພັກໜຶ່ງທີ່ເຂົ້າຮ່ວມກັບພັກຝ້າຍຄ້ານ ຄາດວ່າຈະຍາດໄດ້ 10 ທີ່ນັ່ງຕື່ມອີກໃນເຂດນະຄອນຫລວງ ເຊອູນ, ຊຶ່ງເປັນເຂດສູ້ຢັນກັນຢ່າງດຸເດືອດ ແລະ ເປັນຜົນຕັດສິນການເລືອກຕັ້ງຄັ້ງນີ້, ໃນທີ່ສຸດກໍສາມາດຍາດມາໄດ້ 102 ທີ່ນັ່ງໃນຈຳນວນ 122 ທີ່ນັ່ງຂອງເຂດເລືອກຕັ້ງໃນນະຄອນຫລວງ ເຊອູນ.

ເຖິງແມ່ນວ່າຝ່າຍຄ້ານຈະໄດ້ປຽບທີ່ນັ່ງໃນສະພາກໍຕາມ ແຕ່ພັກຝ່າຍຄ້ານກໍຍັງບໍ່ສາມາດຍາດໄດ້ເຖິງ 2/3 ທີ່ນັ່ງທັງໝົດ, ຈຶ່ງບໍ່ມີສຽງພຽງພໍທີ່ຈະເຮັດໃຫ້ປະທານາທິບໍດີປັດຈຸບັນພົ້ນອອກຈາກຕຳແໜ່ງກ່ອນວາລະໄດ້ ທ່ານຍັງສາມາດເປັນປະທານາທິບໍດີຕໍ່ໄປຈົນເຖິງປີ 2027. ເຖິງຢ່າງໃດກໍຕາມບັນດານັກວິເຄາະສັງເກດວ່າ: ສາມປີທີ່ຍັງເຫລືອຂອງປະທານາທິບໍດີຈະພົບກັບຄວາມຫຍຸ້ງຍາກຫລາຍປະການ.

ແຫລ່ງຂ່າວ: VnExpress