ນາຍົກລັດຖະມົນຕີ ສ.ເກົາຫລີ ຍື່ນໃບລາອອກຈາກຕຳແໜ່ງ

  ວັນທີ 11 ເມສາ 2024 ນີ້, ສຳນັກຂ່າວ VnExpress ຂອງຫວຽດນາມລາຍງານວ່າ: ນາຍົກລັດຖະມົນຕີຂອງ ສ. ເກົາຫລີ ທ່ານ Han Duck-soo ພ້ອມເຈົ້າໜ້າທີ່ລະດັບສູງຫລາຍຄົນໄດ້ຍື່ນໃບລາອອກຈາກໜ້າທີ່ຕຳແໜ່ງ, ພາຍຫລັງພັກ ອຳນາດປະຊາຊົນ ຫລື ພັກກຳອຳນາດໃນປັດຈຸບັນ ບໍ່ໄດ້ຮັບໄຊຊະນະໃນບັ້ນເລືອກຕັ້ງສະມາຊິກສະພາແຫ່ງຊາດເມື່ອວັນທີ 10 ເມສາ ຜ່ານມາ.

  ທ່ານ Han Duck-soo ອາຍຸ 74 ປີ, ໄດ້ເຂົ້າຮັບຕໍາແໜ່ງເປັນນາຍົກລັດຖະມົນຕີ ມາແຕ່ເດືອນພຶດສະພາ 2022. ການຕັດສິນໃຈລາອອກຄັ້ງນີ້ມີຂຶ້ນພາຍຫລັງພັກກຳອຳນາດເສຍໄຊໃຫ້ພັກຝ່າຍຄ້ານດ້ວຍ 175 ທີ່ນັ່ງ, ໃນຈຳນວນ 300 ທີ່ນັ່ງທັງໝົດໃນສະພາ, ສ່ວນພັກອຳນາດປະຊາຊົນ ຊຶ່ງເປັນພັກກຳອຳນາດໃນປັດຈຸບັນຍາດໄດ້ພຽງ 108 ທີ່ນັ່ງ.

   ນອກຈາກນາຍົກລັດຖະມົນຕີແລ້ວ ຍັງມີເຈົ້າໜ້າທີ່ລະດັບສູງອີກຈຳນວນໜຶ່ງ ເປັນຕົ້ນຫົວໜ້າຫ້ອງວ່າການປະທານປະເທດທ່ານ Lee Kwan-seop ແລະ ຜູ້ນຳພັກອຳນາດປະຊາຊົນ ppp ທ່ານ Han Dong-hoon ແລະ ອີກຫລາຍໆຄົນກໍໄດ້ຍື່ນໃບລາອອກເຊັ່ນດຽວກັນ

ແຫລ່ງຂ່າວ: VnExpress