ພົບງົວລົ້ມຕາຍຫລາຍໂຕໂດຍບໍ່ຮູ້ສາເຫດ ຢູ່ບ້ານໝາກນາວ ເມືອງໄຊບູລີ ແຂວງສະຫວັນນະເຂດ
April 4, 2024 - 4:20 PM
ວັນທີ 3 ເມສາ 2024, ມີປະຊາຊົນພົບເຫັນງົວລົ້ມຕາຍຫລາຍໂຕ ໂດຍບໍ່ຮູ້ສາເຫດ ຢູ່ບ້ານໝາກນາວ ເມືອງໄຊບູລີ ແຂວງສະຫວັນນະເຂດ.
ແນວໃດກໍຕາມ ເນື່ອງຈາກວ່າໄລຍະນີ້ມີການແພ່ລະບາດຂອງພະຍາດໄຂ້ເລືອດດຳ ທີ່ສາມາດຕິດຕໍ່ຈາກສັດສູ່ຄົນ ຢູ່ສອງແຂວງພາກໃຕ້, ສະນັ້ນ ພາກສ່ວນກ່ຽວຂ້ອງຄວນໄດ້ລົງກວດກາຫາສາເຫດການຕາຍຂອງ ງົວ-ຄວາຍ ສະກັດກັ້ນການລະບາດຂອງເຊື້ອພະຍາດດັ່ງກ່າວບໍ່ໃຫ້ລະບາດໄປເປັນວົງກວ້າງ ແລະ ເຕືອນໃຫ້ປະຊາຊົນມີສະຕິລະມັດລະວັງຂຶ້ນ ບໍ່ຄວນໄປສຳພັດ ຕົວ ຫລື ນຳຊິ້ນສັດທີ່ຕາຍໂດຍບໍ່ຮູ້ສາເຫດມາບໍລິໂພກ ແລະ ຂາຍ ຢ່າງເດັດຂາດ ເພື່ອຈຳກັດການລະບາດພະຍາດສັດ.
