iPhone 7 ຂຶ້ນແທ່ນໂທລະສັບມືຖືຂາຍດີທີ່ສຸດໃນໂລກ ເຄິ່ງທໍາອິດຂອງປີ 2017

IHS Markit ລາຍງານວ່າ:  iPhone 7 ກາຍເປັນໂທລະສັບມືຖືຂາຍດີທີ່ສຸດໃນໂລກ ໃນ​ໄລຍະເຄິ່ງທໍາອິດຂອງປີ 2017 ຖັດມາ​ແມ່ນ iPhone 7 Plus , Samsung Galaxy Grand Prime Plus, iPhone 6s, Samsung Galaxy S8 ແລະ Samsung Galaxy S8+  ຕາມລໍາດັບ.

            ເຖິງວ່າ iPhone 6, iPhone 6s ແລະ iPhone 7 ຈະເປັນໂທລະສັບທີ່ໄດ້ຮັບຄວາມນິຍົມສູງສຸດໃນເຄິ່ງທໍາອິດຂອງປີ 2015, 2016 ແລະ 2017 ຕາມລໍາດັບ ແຕ່ສ່ວນແບ່ງຕະຫຼາດພັດຫຼຸດລົງຈາກ 10% ເປັນ 7% ແລະ ເຫຼືອ 5% ໃນປີ 2017 ນີ້.

            ອີກທັງຍອດຈໍາໜ່າຍຂອງ iPhone 7 ແລະ iPhone 7 Plus ຍັງໜ້ອຍກວ່າ iPhone 6s ແລະ iPhone 6s Plus ທີ່ຈໍາໜ່າຍໃນ​ໄລຍະເຄິ່ງທໍາອິດຂອງປີ 2016.

ສ່ວນ Samsung ນັ້ນ ມີຍອດຈໍາໜ່າຍຫຼຸດລົງເມື່ອທຽບ​ໃສ່ Galaxy S7 ແລະ S7 edge ທີ່ປະສົບຜົນສໍາເລັດໃນ​ໄລຍະເຄິ່ງທໍາອິດຂອງປີ 2016 ​ເຊິ່ງອາດເປັນຜົນມາຈາກການວາງຈໍາໜ່າຍຊ້າກວ່າຮຸ່ນກ່ອນເຖິງ 1 ເດືອນ.