ສະເຫລີມສະຫລອງການສ້າງຕັ້ງເມືອງສົບເບົາຄົບຮອບ 20 ປີ
ພິທີໂຮມຊຸມນຸມສະເຫລີມ ສະຫລອງການສ້າງຕັ້ງເມືອງ ສົບເບົາແຂວງຫົວພັນຄົບຮອບ 20 ປີ (10 ຕຸລາ 1997-10 ຕຸລາ 2017) ໄດ້ຈັດຂຶ້ນໃນວັນ ທີ 10 ຕຸລານີ້ທີ່ເມືອງດັ່ງກ່າວ, ໂດຍມີທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານ ນາຍົກລັດຖະມົນຕີ, ພ້ອມດ້ວຍ ປະຊາຊົນເມືອງດັ່ງກ່າວເຂົ້າ ຮ່ວມເປັນຈໍານວນຫລາຍ.
+ ສະເຫລີມສະຫລອງວັນຄູແຫ່ງຊາດ 7 ຕຸລາ
+ ລາວ – ມົງໂກລີ ສະຫລອງວັນສ້າງຕັ້ງສາຍພົວພັນການທູດ ຄົບຮອບ 55 ປີ ທີ່ ນະຄອນຫລວງ ອູລານບາຕໍ
ທ່ານ ວົງເພັດ ກຽນສິງຮັກ ເຈົ້າເມືອງສົບເບົາ ໄດ້ລາຍງານ ວ່າ: ເມືອງສົບເບົາໄດ້ຮັບການ ປະກາດສ້າງຕັ້ງຂຶ້ນຢ່າງເປັນ ທາງການໃນວັນທີ 10 ຕຸລາ 1997 ໂດຍແບ່ງສ່ວນໜຶ່ງ ຈາກ ເມືອງຊຽງຄໍ້ໃນເມື່ອກ່ອນທີ່ເປັນ ເມືອງໃຫຍ່, ມີຫລາຍຕາແສງ, ຫລາຍບ້ານ, ພົນລະເມືອງ ຫລາຍ ກວ່າ 75 ພັນຄົນ ແລະ ເພື່ອຮັບປະ ກັນໃຫ້ການເຜີຍແຜ່ແນວທາງນະໂຍບາຍ ຂອງພັກ, ລະບຽບກົດ ໝາຍຂອງລັດ ຖືກນຳໄປຈັດຕັ້ງ ຜັນຂະຫຍາຍໃຫ້ໄດ້ຮັບໝາກຜົນ, ທັນເວລາ ແລະ ແທດເຖິງຮາກ ຖານຕົວຈິງ ລວມທັງເຮັດໃຫ້ແຕ່ ລະທ້ອງຖິ່ນໄດ້ຮັບ ການພັດທະນາໄວ, ມີຄວາມເທົ່າທຽມກັນ, ຫລຸດຜ່ອນຄວາມແຕກໂຕນລະ ຫວ່າງຕົວເມືອງ ແລະ ຊົນນະ ບົດແນໃສ່ເຮັດໃຫ້ວຽກງານ ຮອບດ້ານໄດ້ຮັບການຈັດຕັ້ງ ປະຕິບັດຢ່າງ ສະດວກ ແລະ ໄດ້ ຮັບປະສິດທິຜົນເປັນຢ່າງດີ.
ສະນັ້ນ, ສູນກາງ, ແຂວງ ຈຶ່ງຕົກລົງ ເຫັນດີໃຫ້ແຍກເມືອງຊຽງຄໍ້ ອອກເປັນ 3 ເມືອງຄື: ເມືອງ ຊຽງ ຄໍ້, ເມືອງແອດ ແລະ ເມືອງ ສົບເບົາ ແລະ ໃນໄລຍະສ້າງ ຕັ້ງເມືອງທໍາອິດ ເຫັນວ່າ: ລະບົບ ພື້ນຖານໂຄງລ່າງແມ່ນມີຄວາມຫຍຸ້ງຍາກສົມຄວນ, ບໍ່ມີສຳນັກ ງານຫ້ອງການເຮັດວຽກ, ພະ ນັກງານບໍ່ມີທີ່ພັກພາອາໄສ, ອຸປະກອນຮັບໃຊ້ຂາດເຂີນ, ພາຫະນະບໍ່ພຽງພໍ-ຊຸດໂຊມ ເກົ່າແກ່, ທາງທຽວບໍ່ສະດວກ, ຫລາຍສິ່ງຫລາຍຢ່າງແມ່ນ ໄດ້ສ້າງຕັ້ງຂຶ້ນໃໝ່ ແລະ ຕະ ຫລອດໄລຍະ 20 ປີຜ່ານມາ ພາຍໃຕ້ການຊີ້ນຳ- ນໍາພາຂອງ ສູນກາງ, ແຂວງ, ເມືອງ ເຫັນວ່າ ການພັດທະນາເສດຖະກິດ- ສັງຄົມໄດ້ມີບາດກ້າວຂະຫຍາຍ ຕົວຢ່າງ ຕໍ່ເນື່ອງຄື: ປັດຈຸບັນ, ທົ່ວເມືອງມີ 67 ບ້ານ, 4.525 ຫລັງຄາ ເຮືອນ, ພົນລະເມືອງ ມີ 26 ພັນກວ່າຄົນ (ຍິງ 13 ພັນ ກວ່າຄົນ), ເສດຖະກິດຂະ ຫຍາຍຕົວໃນລະດັບ 8%, ລາຍ ຮັບສະເລ່ຍປະມານ 5,2 ລ້ານ ກີບຕໍ່ຄົນຕໍ່ປີ, ເສັ້ນທາງຄົມ ມະນາຄົມເຂົ້າເຖິງບ້ານກວມ 100% ໃນນັ້ນ, ເສັ້ນທາງທຽວ ໄດ້ສອງລະດູກວມ 45%, ບ້ານ ທີ່ໄດ້ນຳໃຊ້ໄຟຟ້າຖາວອນກວມ 77%, ບ້ານທີ່ມີວິດຖ່າຍກວມ 85%, ບ້ານສາທາລະນະສຸກ ກວມ 92%, ບ້ານມີນໍ້າລີນໃຊ້ ກວມ 88% ແລະ ຍັງມີບ້ານທຸກ ຍາກກວມ 43%, ຄອບຄົວທຸກ ຍາກກວມ 8,5%, ບ້ານພັດທະ ນາກວມ 52% ແລະ ຜົນສໍາເລັດ ດັ່ງກ່າວນີ້ແມ່ນເກີດຈາກຄວາມສາມັກຄີເປັນປືກແຜ່ນ ແລະ ເອົາໃຈໃສ່ໃນການພັດທະນາຊີ ວິດການເປັນຢູ່ຂອງປະຊາຊົນ ຊາວເມືອງສົບເບົາໃຫ້ນັບມື້ ມີຄວາມຈະເລີນສີວິໄລຕາມ ເປົ້າໝາຍພັກ ແລະ ລັດຖະບານ ວາງໄວ້.
