ພົບຄົນຖືກຍິງເສຍຊີວິດ 1 ຄົນ ຢູ່ທ່າບັກບ້ານທ່າດອກຄຳ ເມືອງໄຊທານີ ນະຄອນຫລວງວຽຈັນ
March 27, 2024 - 4:27 PM
ອີງຕາມຂ່າວໜັງສືພິມຄວາມສະຫງົບ ລາຍງານ ວ່າ: ວັນທີ 26 ມີນາ 2024 ນີ້ ເຈົ້າໜ້າທີ່ໜ່ວຍງານສອບສວນ ລົງກວດກາສະຖານທີ່ເກີດເຫດຍິງກັນ ພົບສົບຜູ້ເສຍຊີວິດ 1 ຄົນ ຢູ່ທາງລົງທ່າບັກລະຫວ່າງບ້ານທ່າດອກຄໍາ ໄປຫາບ້ານນາແຖ.
ຂໍ້ມູນເບື້ອງຕົ້ນ ຜູ້ເສຍຊີວິດ ເປັນເພດຊາຍ ອາຍຸ 37 ປີ ປະຊາຊົນ ຢູ່ບ້ານ ທາດຫລວງໃຕ້ ເມືອງໄຊເສດຖາ ນະຄອນຫລວງວຽງຈັນ ຖືກຍິງດ້ວຍອາວຸດປືນບໍ່ຊາບຊະນິດເຂົ້າຕາມລະຕົວ 7 ນັດ.
ສ່ວນແຮງຈູງໃຈ ແລະ ຄົນຮ້າຍທີ່ລົງມືກໍ່ເຫດ ຍັງຢູ່ໃນລະຫວ່າງການສືບສວນ-ສອບສວນຂອງເຈົ້າໜ້າທີ່.
