ສາເຫດຂອງມະເຮັງຕັບ, ມະເຮັງປອດ ແລະ ມະເຮັງກະເພາະອາຫານ

ທ່ານໝໍ Yanagisawa Fumimasa ນັກວິໄຈພະຍາດມະເຮັງຄົນຍີ່ປຸ່ນໄດ້ທົດລອງໂດຍໃຊ້ການກວດເລືອດຂອງຄົນປ່ວຍພະ ຍາດມະເຮັງ 100 ຄົນ ຜົນການທົດລອງພົບວ່າ : ເລືອດຂອງຄົນປ່ວຍທັງໝົດມີຄວາມເປັນກົດ ຫລື ເອີ້ນວ່າຮ່າງກາຍມີຄວາມເປັນກົດ ໂດຍການທົດລອງນີ້ໄດ້ແນວຄິດທີ່ມາຈາກ Dr. Katase’s theory ທີ່ໂດ່ງດັງ ເຊິ່ງລະບຸວ່າ ຮ່າງກາຍຂອງຄົນເຮົາມີສຸຂະພາບດີຫລືບໍ່ນັ້ນສາມາດກວດໄດ້ຈາກຄວາມເປັນກົດພາຍໃນເລືອດ, ທີ່ໜ້າສົນໃຈຄື 5 ພຶດຕິກຳດັ່ງຕໍ່ໄປນີ້ຈະເຮັດໃຫ້ເລືອດມີຄວາມເປັນກົດ ແລະ ມີຄວາມສ່ຽງຕໍ່ການເປັນມະເຮັງ.

1. ນອນເດິກ : ການນອນຫລັງຈາກເວລາ 01:00 ໂມງນັ້ນ ເຮັດໃຫ້ລະບົບການເຜົາຜານໃນຮ່າງກາຍປ່ຽນມາໃຊ້ການເຜົາໄໝ້ຂອງຕ່ອມບໍ່ມີທໍ່ ເຊິ່ງກໍ່ໃຫ້ເກີດສານພິດພາຍໃນຮ່າງກາຍ ແລະ ເຮັດໃຫ້ຮ່າງກາຍມີຄວາມເປັນກົດ ໂດຍປົກກະຕິແລ້ວຄົນທີ່ນອນເດິກຈະມີໂອກາດເປັນພະຍາດຊຳ້ເຮື້ອໄດ້ສູງກ່ວາຄົນທີ່ສູບຢາ ຫລື ກິນເຫລົ້າ ສະນັ້ນ ທາງທີ່ດີຄວນຈະເຂົ້ານອນກ່ອນເວລາທ່ຽງຄືນໃຫ້ໄດ້ທຸກມື້.
2. ກິນເຂົ້າເດິກ : ການກິນອາຫານຫລັງເວລາ 20:00 ໂມງ ຫລື ກິນເດິກກ່ວານັ້ນ ຈະເຮັດໃຫ້ຮ່າງກາຍຮູ້ສຶກອິດເມື່ອຍອ່ອນເພຍໃນມື້ຕໍ່ມາ, ຕື່ນນອນຍາກ ແລະ ເຮັດໃຫ້ຕັບຖືກທຳລາຍ ເພາະວ່າໃນຂະນະທີ່ຄົນເຮົານອນຫລັບນັ້ນ ການເຮັດວຽກຂອງອະໄວຍະວະພາຍໃນຈະຕໍ່າກ່ວາປົກກະຕິ ເພາະເປັນເວລາພັກຜ່ອນ ດັ່ງນັ້ນ ອາຫານທີ່ຕົກຄ້າງພາຍໃນຮ່າງກາຍຈະປ່ຽນສະພາບເປັນກົດໝັກໝົມ ແລະ ເຮັດໃຫ້ເກີດສານພິດສະສົມພາຍໃນຮ່າງກາຍ.
3. ບໍ່ກິນເຂົ້າເຊົ້າ : ການບໍ່ກິນເຂົ້າເຊົ້າເປັນປະຈຳນັ້ນເປັນຄວາມລຶ້ງເຄີຍທີ່ບໍ່ດີ ເຂົ້າເຊົ້າຄວນຈະເປັນຄາບທີ່ອຸດົມສົມບູນທີ່ສຸດ ແລະ ຄວນຈະເລືອກອາຫານທີ່ໃຊ້ເວລາໃນການຍ່ອຍ 4 – 5 ຊົ່ວໂມງ ຈຶ່ງຈະພຽງພໍຕໍ່ຄວາມຕ້ອງການພະລັງງານຂອງຮ່າງກາຍື້.
4. ອອກກຳລັງກາຍໜ້ອຍ : ການອອກກຳລັງກາຍໃນບ່ອນທີ່ໂລ່ງແຈ້ງຈົນເຫື່ອອອກ ຈະຊ່ວຍໃຫ້ຮ່າງກາຍໄລ່ສານພິດ ຫລື ກົດພາຍໃນຮ່າງກາຍໄດ້ດີ ແຕ່ໃນປະຈຸບັນການໃຊ້ຊີວິດຂອງຄົນເຮົານັ້ນຟ້າວຟັ່ງ, ຕ້ອງນັ່ງຫ້ອງການ ແລະ ຢູ່ກັບລົດຕິດເປັນເວລາດົນ. ເວລາວ່າງທີ່ຈະອອກກຳລັງກາຍກໍຫລຸດລົງ ເຮັດໃຫ້ມີສານພິດທີ່ມີລິດເປັນກົດຕົກຄ້າງພາຍໃນຮ່າງກາຍຫລາຍຈົນເຮັດໃຫ້ຮ່າງກາຍເກີດຄວາມເປັນກົດຫລາຍເກີນໄປ.
5. ເຄັ່ງຄຽດຫລາຍ : ເຄີຍມີວຽກງານວິໄຈທີ່ກ່ຽວຂ້ອງກັບສະພາບຄວາມເຄັ່ງຄຽດກົດດັນໂດຍທົດລອງຂັງໜູຂາວ 2 ໂຕໄວ້ໃນຄອກ ໂດຍໃຊ້ຜ້າປິດຕາໜູໂຕທຳອິດໄວ້ ແລະ ໃຊ້ໄມ້ເຂ່ຍລົບກວນມັນຕະຫລອດເວລາ. ສ່ວນອີກໂຕໜຶ່ງແມ່ນປ່ອຍໃຫ້ຢູ່ຕາມປົກກະຕິ. ຫລັງຈາກນັ້ນ 1 ເດືອນ ພົບວ່າ ໜູໂຕທີ່ຖືກປິດຕານັ້ນຮ່າງກາຍຂອງມັນມີຄວາມເປັນກົດສູງ ແລະ ໃນເດືອນທີ 2 ກໍກວດພົບວ່າໜູໂຕດັ່ງກ່າວເກີດມີແຊນມະເຮັງ. ສ່ວນໜູອີກໂຕໜຶ່ງຍັງເປັນປົກກະຕິດີ ເຫັນໄດ້ຈະແຈ້ງວ່າຄວາມເຄັ່ງຄຽດ ແລະ ສະຖານະການທີ່ກົດດັນເຮັດໃຫ້ຮ່າງກາຍເກີດຄວາມເປັນກົດຢ່າງຮຸນແຮງ.