ຍີ່ປຸ່ນຢຶດສິນຄ້າປອມນໍາເຂົ້າໃນປີ 2023 ສູງເຖິງ 3 ໝື່ນກໍລະນີ

     ວັນທີ 8 ມີນາ, ກະຊວງການເງິນຂອງຍີ່ປຸ່ນລາຍງານວ່າ: ການຢຶດສິນຄ້າປອມນໍາເຂົ້າຢູ່ຍີ່ປຸ່ນໄລຍະປີ 2023 ສູງກວ່າ 30.000 ກໍລະນີ ເຊິ່ງຖືເປັນຕົວເລກສູງສຸດອັນດັບສອງນັບແຕ່ເລີ່ມຕົ້ນບັນທຶກສະຖິຕິໃນປີ 1987 ແລະ ສູງເກີນສາມໝື່ນກໍລະນີເປັນຄັ້ງທໍາອິດໃນຮອບ 3 ປີ.

     ລາຍງານລະບຸວ່າ: ການຢຶດສິນຄ້າປອມທົ່ວຍີ່ປຸ່ນໃນປີ 2023 ລວມມີ 31.666 ກໍລະນີ ເພີ່ມຂຶ້ນ 17,5% ຈາກປີກ່ອນໜ້າ ແລະ ເປັນກໍລະນີກ່ຽວກັບເສື້ອຜ້າສູງສຸດ (10.401 ກໍລະນີ ຫລື 28%), ຮອງລົງມາແມ່ນກະເປົາ ແລະ ເກີບ ເຊິ່ງສ່ວນຫລາຍກ່ຽວກັບແອນິເມະຍີ່ປຸ່ນ.

     ກະຊວງການເງິນກ່າວອີກວ່າ: ກໍລະນີກ່ຽວກັບສິນຄ້າແບນເນມປອມເພີ່ມຂຶ້ນ 19,7% ເມື່ອທຽບໃສ່ປີຕໍ່ປີ ລວມມີ 1.056.245 ອັນ ເຊິ່ງເປັນຄັ້ງທໍາອິດໃນຮອບ 4 ປີທີ່ຕົວເລກສູງເກີນໜຶ່ງລ້ານອັນ ແລະ ສິນຄ້າປອມສ່ວນຫລາຍຖືກຈັດຈໍາໜ່າຍຜ່ານອີຄອມເມີດ ຈຶ່ງຮຽກຮ້ອງປະຊາຊົນສັງເກດລາຄາທີ່ຕໍ່າເກີນໄປ.