4 ສະໂມສອນຜ່ານເຂົ້າຮອບຮອງຊະນະເລີດ ສາຍ ກ 2017

4 ສະໂມສອນສາມາດ ຜ່ານເຂົ້າຮອບຮອງຊະນະເລີດ ໃນການແຂ່ງຂັນເຕະບານ ສາຍ ກ ຫລື ລີວີຊັນ 1 ປະຈໍາປີ 2017 ຂອງສະຫະພັນບານ ເຕະແຫ່ງຊາດລາວ (ສຕລ) ຈັດຂຶ້ນເພື່ອຄັດເລືອກເອົາສະ ໂມສອນ ທີ່ມີຄວາມສາມາດ ເຂົ້າສູ່ການແຂ່ງຂັນເຕະບານ ລາວພຣີເມຍລີກ ປະຈໍາປີ 2018.
ການແຂ່ງຂັນບານເຕະ ລິວີຊັນ 1 ຫລື ເຕະບານ ສາຍ ກ ໄດ້ດໍາເນີນມາແຕ່ທ້າຍ ເດືອນມິຖຸນາ 2017 ມີ 15 ສະໂມສອນເຂົ້າຮ່ວມແບ່ງ ອອກເປັນ 4 ກຸ່ມຄື: ກຸ່ມ A ປະ ກອບມີ ແບລາວ ອະຄະເດມີ, ສະຫວັນ ຊິດຕີ, ປະກາຍເພັດ ເອັຟຊີ, ເມືອງ ຈັນທະບູລີ; ສ່ວນກຸ່ມ B ປະກອບມີ KPS ເອັຟຊີ, ມະນີຈັນ ພີ ວີ ເອັຟຊີ, ເອັສຣາ ເອັຟຊີ, ມາສເຕີ ເຊ ເວັ້ນ; ຂະນະກຸ່ມ C ປະກອບມີ ປກສ ເອັຟຊີ, ກອງທັບ ເອັຟຊີ, ນະຄອນຫລວງ ຢູໄນເຕັດ, ຄິງໂລແມນ ເອັຟຊີ ແລະ ກຸ່ມ D ປະກອບມີ ສະກໍປ້ຽນ ເອຟ ຊີ, ດີເຄ ເອຟຊີ ແລະ ມຊ ເອັຟຊີ; ສໍາລັບຮູບແບບການ ແຂ່ງຂັນໄດ້ພົບກັນໝົດ (ໄປ- ກັບ) ແຕ່ລະທີມໄດ້ແຂ່ງ 6 ນັດ. ສ່ວນການຄິດໄລ່ຄະແນນ ໃນຮອບແບ່ງກຸ່ມສະໂມສອນ ຊະນະໄດ້ 3 ຄະແນນ, ສະເໝີ ໄດ້ 1 ຄະແນນ, ເສຍໄດ້ 0 ຄະ ແນນ. ການແຂ່ງຂັນໄດ້ດໍາ ເນີນຈົນມາຮອດຕົ້ນເດືອນສິງຫາຜ່ານມານີ້ມີ 8 ສະໂມສອນ ສາມາດຜ່ານເຂົ້າຮອບ ເຊິ່ງປະ ກອບດ້ວຍ ສະໂມສອນ ນະ ຄອນຫລວງ ຢູໄນເຕັດ, ຈັນທະ ບູລີ ຊິຕີ ເອັຟຊີ, ກອງທັບ ເອັຟ ຊີ, ທິບສະຫວັນ ເອັຟຊີ, ດີເຄ ເອັຟຊີ , ມາສເຕີເຊວັນ ເອັຟຊີ, ມຊ ເອັຟຊີ ແລະ ສະໂມສອນ ເອັສຣາ ເອັຟຊີ.
ຜົນການແຂ່ງຂັນຫລ້າ ສຸດໃນວັນທີ 8 ຕຸລາຜ່ານມານີ້ ທີ່ ສຕລ ສະໂມສອນ ເອັສຣາ ເອັຟຊີສະເໝີກັບສະໂມສອນ ເມືອງຈັນທະບູລີ ຊິຕີ ເອັຟຊີ ສົ່ງຜົນໃຫ້ສະໂມສອນ ເອັສຣາ ເອັຟຊີ ຕົກຮອບ. ສໍາລັບ 4 ສະ ໂມສອນສາມາດເຂົ້າຮອບ ຮອງຊະນະເລີດປະກອບມີ ສະ ໂມສອນ ນະຄອນຫລວງ ຢູໄນ ເຕັດ ອັນດັບ 1 ກຸ່ມ A, ເມືອງ ຈັນທະບູລີ ຊິຕີ ເອັຟຊີ ອັນດັບ 2 ກຸ່ມ A, ກອງທັບ ເຟຊີ ອັດດັບ 1 ກຸ່ມ B ແລະ ສະໂມສອນ ທິບ ສະຫວັນ ເອຟຊີ ອັນດັບ 2 ກຸ່ມ B.