ປກສ ເມືອງຫົງສາ ກັກຕົວຜູ້ຄ້າຂາຍຢາເສບຕິດ ພ້ອມຢຶດຢາໄອສ໌ 1.033 ກິໂລກຣາມ
March 7, 2024 - 10:10 AM
ອີງຕາມຂ່າວຄວາມສະຫງົບ ລາຍງານວ່າ: ເວລາ 9:30 ໂມງ ຂອງວັນທີ 10 ກຸມພາ 2024 ຜ່ານມາ ເຈົ້າໜ້າທີ່ກອງບັນຊາການ ປກສ ເມືອງຫົງສາ ແຂວງໄຊຍະບູລີ ໄດ້ກັກຕົວເປົ້າໝາຍຄ້າຂາຍຢາເສບຕິດ 1 ຄົນ ຊື່ ທ້າວ ເນັງ ຢາ ອາຍຸ 36 ປີ ປະຊາຊົນຢູ່ບ້ານເລົາຫລວງ ເມືອງຫ້ວຍຊາຍ ແຂວງບໍ່ແກ້ວ.
ພ້ອມທັງຢຶດຂອງກາງໄດ້ເປັນຢາເສບຕິດປະເພດຢາໄອສ໌ KKK-1000 ຈຳນວນ 33 ເປົາ ນໍ້າໜັກລວມ 1.033 ກິໂລກຣາມ, ລົດຈິບ ຍີ່ຫໍ້ ອິຊູຊູ ໝາຍເລກຖະທຽນ ບໍ່ແກ້ວ 4490 ຈຳນວນ 1 ຄັນ, ປຶນສັ້ນ 1 ກະບອກ ພ້ອມລູກປືນ 19 ລູກ, ໂຟນີ 1 ເຄື່ອງ, ມີດ 1 ດວງ ແລະ ອື່ນໆອີກຈຳນວນໜຶ່ງ.
