ປາກິດສະຖານຜະເຊີນຝົນຕົກໜັກ ມີຜູ້ເສຍຊີວິດ 36 ຄົນ ບາດເຈັບ 41 ຄົນ

     ອົງການແກ້ໄຂໄພພິບັດແຫ່ງຊາດປາກິດສະຖານ ລາຍງານວ່າ: ສະພາບຝົນຕົກໜັກທົ່ວປະເທດລະຫວ່າງວັນທີ 27 ກຸມພາ – 3 ມີນາ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 36 ຄົນ ແລະ ຜູ້ບາດເຈັບ 41 ຄົນ.

     ລາຍງານລະບຸວ່າ: ຜູ້ເສຍຊີວິດສ່ວນໜຶ່ງເປັນເດັກນ້ອຍ 21 ຄົນ ແລະ ແຄວ້ນໄຄເບີປັດຕູນຄວາທາງຕາເວັນຕົກສຽງເໜືອເປັນພາກທີ່ໄດ້ຮັບຜົນກະທົບໜັກທີ່ສຸດ ໂດຍມີຜູ້ເສຍຊີວິດ 27 ຄົນ.

     ຂະນະດຽວກັນມີເຮືອນເປ່ເພເສຍຫາຍບາງສ່ວນ ຫລື ທັງໝົດ 469 ຫລັງ ແລະ ສັດລ້ຽງລົ້ມຕາຍປະມານ 61 ໂຕ.