ທາງພາກເໜືອ-ພາກຕາເວັນອອກສ່ຽງເໜືອ (ອີສານ ) ຂອງໄທ ວິກິດມົນລະພິດທາງອາກາດ 36 ຈັງຫວັດ ມີຄ່າເກີນມາດຕະຖານ

ສຳນັກຂ່າວໄທລາຍງານ ວັນທີ 4 ມີນານີ້ວ່າ: ສູນສື່ສານການແກ້ໄຂບັນຫາມົນລະພິດທາງອາກາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລາຍງານຜົນການຕິດຕາມກວດສອບຄຸນະພາບອາກາດ, ໂດຍລວມປະລິມານ PM2.5 ວັດແທກຄ່າຝຸ່ນສະເລ່ຍ 24 ຊົ່ວໂມງ ຢູ່ລະຫວ່າງ 12.4 – 75.6 µg/m³ ເຊິ່ງຄ່າມາດຕະຖານແມ່ນ ບໍ່ຕ່ຳກວ່າ 37.5 µg/m³, ເຊິ່ງພົບວ່າອາກາດໃນ 36 ຈັງຫວັດ ຢູ່ທາງພາກເໜືອ ແລະ ພາກຕາເວັນອອກສ່ຽງເໜືອ (ອີສານ) ຂອງປະເທດ ມີຄ່າເກີນມາດຕະຖານ, ທາງກະຊວງສາທາລະສຸກ ເຕືອນປະຊາຊົນທົ່ວໄປເຝົ້າລະວັງສຸຂະພາບ ຫລຸດເວລາເຮັດກິດຈະກຳກາງແຈ້ງ ຫລື ໃຊ້ອຸປະກອນປ້ອງກັນຕົນເອງ, ຖ້າມີອາການທາງສຸຂະພາບຄວນປຶກສາແພດ.