ເອຊີ ມິລານ ຍື່ນຂໍ້ສະເໜີ 80 ລ້ານປອນ ຂໍຊື້ ອາເກວໂຣ

ສະໂມສອນ ເອຊີ ມິລານ ກຽມທຸ່ມເງິນ 80 ລ້ານປອນ ເພື່ອຂໍຊື້ໂຕ ເຊຄິໂອ ອາເກວໂຣ ກອງໜ້າທີມຊາດອາເຈນຕິນາ ຂອງທີມ ແມນເຊສເຕີ ຊິຕີ ມາຮ່ວມທີມໃນໄລຍະເປີດຕະຫຼາດຊື້ຂາຍນັກເຕະເດືອນມັງ ກອນປີໜ້າ.
ກ່ອນໜ້ານີ້ ເອຊີ ມິລານ ກຳລັງພະຍາຍາມຈະຄວ້າໂຕ ອາເກວໂຣ ມາຮ່ວມທີມໃນ ເດືອນສິງຫາຜ່ານມາ ຫາກ ແມນເຊສເຕີ ຊິຕີ ໄດ້ໂຕ ອະ ເລັກຊິສ ຊານເຊດ ມາຈາກ ອາເຊນອນ ແຕ່ສຸດທ້າຍ ອະ ເລັກຊິສ ຍັງຢູ່ກັບ ອາເຊນອນ ຕໍ່ໄປ ເຮັດໃຫ້ ເອຊີ ມິລານ ຕ້ອງເລື່ອນການຍື່ນຂໍ້ສະເໜີ ຢ່າງເປັນທາງການສຳລັບ ອາ ເກວໂຣ ອອກໄປກ່ອນ.
ແນວໃດກໍຕາມ ລາຍ ງານຂ່າວຫຼ້າສຸດຈາກ ເດິ ຊັນ ສື່ຊື່ດັງຂອງ ອັງກິດ ລະບຸວ່າ ຈາກການທີ່ ແມນເຊສເຕີ ຊິຕີ ຈະໄປລ່າໂຕ ອະເລັກຊິສ ຊາດ ເຊດ ອີກຄັ້ງໃນເດືອນມັງກອນ ເຮັດໃຫ້ ເອຊີ ມິລານ ກຽມ ພ້ອມທີ່ຈະຍື່ຂໍ້ສະເໜີ 80 ລ້ານ ປອນ ເພື່ອຄວ້າໂຕ ອາເກວ ໂຣ.