ລັດຖະມົນຕີ ຖວທ ເດີນທາງໄປປາຣີເຂົ້າຮັບໃບຢັ້ງຢືນຮັບຮອງເອົາຫັດຖະກໍາພູມປັນຍາການຕໍ່າລາຍນາກ ເຂົ້າເປັນມໍຣະດົກວັດທະນະທຳໂລກ

ວັນທີ 28 ກຸມພາ 2024, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ພ້ອມດ້ວຍຄະນະ ໄດ້ເດີນທາງເຂົ້າຮັບໃບຢັ້ງຢືນຮັບຮອງເອົາຫັດຖະກໍາພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວ ຢ່າງເປັນທາງການຢູ່ສູນມໍຣະດົກໂລກຂອງອົງການຢູເນສໂກ ທີ່ປາຣີ ປະເທດຝຣັ່ງ.

ພາຍຫລັງທີ່ອົງການຢູເນສໂກໄດ້ຮັບຮອງເອົາຫັດຖະກໍາພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວເຂົ້າເປັນມໍຣະດົກວັດທະນະທຳທີ່ບໍ່ເປັນວັດຖຸຂອງມວນມະນຸດໃນກອງປະຊຸມໃຫຍ່ຂອງຄະນະກຳມະທິການລະຫວ່າງລັດຖະບານ ຄັ້ງທີ 18 ທີ່ເມືອງ ຄາຊານ, ສາທາລະນະລັດ ບັອດສະວານາ ໃນວັນທີ 6 ທັນວາ 2023 ຜ່ານມາ. ໂດຍແມ່ນ ທ່ານ ເອີນເນັສໂຕ ອັອດຕັນ (Ernesto Ottone) ຮອງຜູ້ອໍານວຍການຝ່າຍວັດທະນະທໍາ ຂອງອົງການຢູເນສໂກເປັນກຽດມອບໃບຢັ້ງຢືນໃນຄັ້ງນີ້.