ສູ້ຊີວິດ-ຈິ່ງໄດ້ດີມີສຸກຄືແນວນີ້ລະ
ຄົນເຮົາສ່ວນຫຼາຍ ເມື່ອຄອບ ຄົວຕົນເອງຫາກຕົກທຸກໄດ້ຍາກ ແນ່ນອນກໍຕ້ອງໄດ້ດີ້ນລົນສູ້ຊົນ ດ້ວຍຫຼາຍຮູບແບບຕາມຄວາມ ຮູ້ຄວາມສາມາດຂອງຕົນທີ່ໄດ້ ຮຽນມາ, ນໍາໃຊ້ເຂົ້າໃນວຽກງານ ຕົວຈິງທີ່ເຫັນວ່າຖືກຕ້ອງສອດ ຄ່ອງກັບລະບຽບກົດໝາຍເພື່ອ ສ້າງລາຍຮັບມາສູ່ ພັດທະນາຄອບ ຄົວໃຫ້ຫຼຸດພົ້ນອອກຈາກຄວາມ ທຸກຍາກຂາດເຂີນດັ່ງກ່າວ.
ດັ່ງຄອບຄົວ ນາງ ນ້ອຍ ກໍແມ່ນຜູ້ໜຶ່ງທີ່ໄດ້ສູ້ຊີວິດເພື່ອ ລ້ຽງດູຄອບຄົວ ແລະ ລູກນ້ອຍ ທັງສາມຄົນນັບຕັ້ງແຕ່ຄອບຄົວ ໄດ້ແຕກແຍກກັນມາຮອດປັດຈຸ ບັນນີ້ ກໍເກືອບ 10 ປີແລ້ວ ນ. ນ້ອຍ ເລົ່າຜູ້ຟັງວ່າ: ຕົນເອງເປັນຄົນ ເມືອງທ່າແຕງ, ແຂວງເຊກອງ ໄດ້ສ້າງຄອບຄົວແຕ່ອາຍຸໄດ້ 16 ປີ ພາຍຫຼັງສ້່າງຄອບຄົວແລ້ວ ເຫັນ ວ່າສະພາບຊີວິດການເປັນ ຢູ່ກໍໄດ້ດີມີສຸກ ແລະ ຢູ່ນໍາກັນຈົນ ໄດ້ລູກສາມຄົນອອກມາທີ່ເປັນ ພະຍານຮັກໃຫ້ກັບພໍ່ແມ່ ແລະ ຄິດ ເປັນຫ່ວງອະນາຄົດຂອງລູກທັງສາມ ຜົວ-ເມຍຈິ່ງໄດ້ດີ້ນລົນໝົ້ນ ທຸກຊອກຫາຢູ່ຫາ ກິນເຮັດ ໃຫ້ສະພາບຄອບຄົວເລີ່ມມີສີສັນຂຶ້ນ ມີເງິນໃຊ້ຈ່າຍບໍລິຫານຄອບຄົວ ຢ່າງເປັນປົກກະຕິ ແລະ ບໍ່ເຄີຍ ເຮັດໃຫ້ຄອບຄົວຂາດແຄນ, ຈາກ ດິນແດນແຫ່ງຄວາມສຸກຂອງ ຄອບຄົວນັ້ນ ບໍ່ຄິດບໍ່ຝັນເລີຍ ວ່າສິ່ງມືດມົວໝອງເສົ້າຈະເຂົ້າ ມາທໍາລາຍແສງສະຫວ່າງແຫ່ງ ຄວາມຮັກຂອງຄອບຄົວໄດ້ ຍ້ອນສາມີແບ່ງໃຈໄປໃຫ້ແມ່ ຍິງ ຄົນອື່ນ(ລັກໄປແຕ່ງງານກັບ ຍິງອື່ນ)ເຮັດໃຫ້ຕົນ ເອງອົດທົນ ຕໍ່ຄວາມເຈັບປວດບໍ່ໄດ້ຈຶ່ງໄດ້ ຂໍແຍກທາງກັນໄປ.
+ ເຮັດເຂົ້າຕົ້ມຂາຍກໍມີລາຍໄດ້ດີ
ດ້ວຍຄວາມເປັນ ແມ່ລ້ຽງ ລູກ 3 ຄົນ ຜູ້ດຽວມັນແສນລໍາ ບາກຕົນເອງຕ້ອງໄດ້ຖອກເຫື່ອ ເທແຮງທີ່ມີມາຕໍ່ສູ້ກັບຊີວິດ ເຊິ່ງ ໃນເບື້ອງຕົ້ນໄດ້ນໍາໃຊ້ເງິນທີ່ ຂາຍສິນສົມສ້າງມາເຊົ່າຫ້ອງ ຢູ່ ນະຄອນຫລວງວຽງຈັນ ແລະ ເຮັດເປັນທຶນຄ້າຂາຍເຊິ່ງດໍາ ເນີນມາໄດ້ໄລຍະໜຶ່ງກໍລົ້ມ ເຫລວຍ້ອນບໍ່ມີໃຜຊ່ວຍ, ຈຶ່ງຢຸດ ເຊົາແລ້ວໄປສະມັກວຽກເປັນ ແມ່ບ້ານຢູ່ໂຮງແຮມແຫ່ງໜຶ່ງ ໄດ້2ປີເລີຍອອກເພາະຢູ່ ໄກບ້ານ ຍາກໃນການຮັບ-ສົ່ງລູກໄປ ໂຮງຮຽນຈຶ່ງໄດ້ມາສະມັກເປັນ ແມ່ຄົວຢູ່ຮ້ານອາຫານຕ່າງ ປະເທດແຫ່ງໜຶ່ງໃນເບື້ອງ ຕົ້ນເພິ່ນໃຫ້ເປັນຜູ້ຊ່ວຍແມ່ຄົວ ພໍເຮັດມາໄດ້ປີໜຶ່ງຈຶ່ງຖືກເລື່ອນ ໃຫ້ເປັນຫົວໜ້າແມ່ຄົວເພີ່ມ ເງິນເດືອນ ແລະ ເງິນຂະຫຍັນ ໃຫ້ຕື່ມອີກເຊິ່ງໄດ້ຮັບປະມານ 2,3 -2,5 ລ້ານກີບ/ເດືອນ.
ຕົກ ມາຮອດໄລຍະໜຶ່ງຕົນຄິດຢ້ານ ລາຍຮັບບໍ່ພຽງພໍໃຫ້ກັບຄອບ ຄົວຈຶ່ງໄດ້ເພີ່ມວຽກຕື່ມອີກ ເຊັ່ນ: ຕອນເຊົ້າເຮັດວຽກເປັນ ແມ່ບ້ານອະນາໄມຫ້ອງນອນ, ມ້ຽນມັດປັດກວາດເຮືອນ ແລະ ຊັກເຄື່ອງ-ມ້ຽນເຄື່ອງຮອດ 11ໂມງກັບເມື່ອພັກຜ່ອນ, ຕອນ ບ່າຍປະມານ 3 ໂມງແລງເລີ່ມ ໄປລ້າງຖ້ວຍ-ບ່ວງຢູ່ຮ້ານອາ ຫານຮອດ 5 ໂມງແລງສືບຕໍ່ ເປັນແມ່ຄົວເຂົ້າຫ້ອງຄົວແຕ່ງ ອາຫານໃຫ້ແຂກຈົນຮອດ 11ໂມງກາງຄືນຂອງທຸກໆມື້, ສໍາ ລັບວັນພັກແມ່ນເພິ່ນໃຫ້ພັກ ອາທິດລະມື້ຄືວັນຈັນ ແລະ ມາ ຮອດປັດຈຸບັນນີ້ຕົນເອງໄດ້ຮັບ ເງິນເດືອນປະມານ 4 – 4,5 ລ້ານກີບສາມາດແບ່ງເບົາພາ ລະໃນຄອບຄົວໄດ້ເປັນຢ່າງດີ ມີ ເງິນຮັບໃຊ້ຊີວິດປະຈໍາວັນມີ ທຶນການສຶກສາໃຫ້ລູກ ແລະ ປັດ ຈຸບັນນີ້ ຕົນເອງມີຄວາມພູມໃຈ ເປັນຢ່າງຍິ່ງທີ່ສາມາດຜ່ານຜ່າ ອຸປະສັກທຸກຢ່າງມາໄດ້.
