ປກສ ເມືອງ ຕົ້ນເຜິ້ງ ສຶກສາອົບຮົມໄວໜຸ່ມລະເມີດລະບຽບການສັນຈອນ ແລະ ຜູ້ດັດແປງສະພາບເຕັກນິກລົດ ພ້ອມທັງກັກລົດ 15 ຄັນ

ວັນທີ 27 ກຸມພາ 2024, ເຈົ້າໜ້າທີ່ໜ່ວຍງານຈະລາຈອນ ກອງບັນຊາການ ປກສ ເມືອງ ຕົ້ນເຜິ້ງ ແຂວງບໍ່ແກ້ວ ໄດ້ສຶກສາອົບຮົມໄວໜຸ່ມທີ່ຂັບຂີ່ລົດໄວເກີນກຳນົດ ດັດແປງສະພາບເຕັກນິກລົດ ສົ່ງສຽງເນືອງນັນສັງຄົມ, ລະເມີດລະບຽບການສັນຈອນ ພ້ອມທັງກັກລົດ 15 ຄັນ, ແນະນຳໃຫ້ຜູ້ຂັບຂີ່ດັດແປງປັບປຸງຄືນສະພາບເຕັກນິກລົດເຊັ່ນ: ທໍ່ໄອເສຍ, ລໍ້ລົດ, ເບາະລົດ, ໄຟຕາ, ແກ ແລະອື່ນໆໃຫ້ຄືນສູ່ສະພາບເດີມ ແລະ ໄດ້ປັບໃໜຕາມດຳລັດ 568 ຕາມລະບຽບທີ່ໄດ້ກຳນົດໄວ້ໃນກົດ ໝາຍຈະລາຈອນທາງບົກ.

ທັງນີ້ກໍເພື່ອເຮັດໃຫ້ຜູ້ຂັບຂີ່ມີຄວາມຮັບຮູ້ເຂົ້າໃຈຕໍ່ຜົນຮ້າຍທີ່ເກີດຈາກການຂັບຂີ່ທີ່ບໍ່ຖືກຕ້ອງຕາມລະບຽບການສັນຈອນ ແລະ ການດັດແປງສະພາບເຕັກນິກຍານພາຫະນະ ຕໍ່ຕົນເອງ ແລະ ສັງຄົມ ເຊັ່ນ: ສ້າງຄວາມເນືອງ ເຮັດໃຫ້ບ້ານເມືອງບໍ່ມີຄວາມສະຫງົບ, ສ່ຽງຕໍ່ການເກີດອຸບັດຕິເຫດ ອາດເຮັດໃຫ້ເສຍຊີວິດ ແລະ ຊັບສິນ.