ເບີໂທສາຍດ່ວນ ຕະຫລອດ 24 ຊົ່ວໂມງ020 96511999 ປກສ ແຂວງຜົ້ງສາລີ
ກອງບັນຊາການ ປກສ ແຂວງ ຜົ້ງສາລີ ໄດ້ອອກແຈ້ງການເລກທີ 366/ປກສ.ຜລ ລົງວັນທີ 8 ກຸມພາ 2024, ເລື່ອງ: ເບີໂທສາຍດ່ວນແຈ້ງເຫດສຸກເສີນຂອງ ປກສ ແຂວງຜົ້ງສາລີ ແຈ້ງໃຫ້ພະນັກງານລັດຖະກອນ, ພໍ່ຄ້າ-ຊາວຂາຍ, ຊາວຕ່າງດ້າວ-ຄົນຕ່າງປະເທດ, ທະຫານ, ຕໍາຫລວດ ແລະ ພໍ່ແມ່ປະຊາຊົນບັນດາເຜົ່າ, ທີ່ດໍາລົງຊີວິດ ໃນຂອບເຂດທົ່ວແຂວງຜົ້ງສາລີ ຮັບຊາບວ່າ: ກໍລະນີຫາກບຸກຄົນ, ນິຕິບຸກຄົນ, ການຈັດຕັ້ງ, ພົບເຫັນເຫດການ, ສະພາບທີ່ພົ້ນເດັ່ນເກີດຂຶ້ນເຊັ່ນ: ຂີ້ລັກງັດເເງະ, ປຸ້ນຈີ້ຊີງຊັບ, ການປຸງແຕ່ງ, ເສບ, ຄ້າຂາຍ, ຈໍາໜ່າຍ, ຂົ່ນສົ່ງ, ມີໄວ້ຄອບຄອງ, ນໍາເຂົ້າ, ສົ່ງອອກ, ຢາເສບ ຕິດ, ປະເພດຕ່າງໆຄື: ຢາຝິ່ນ, ກັນຊາ, ຂາຄູ່, ຢາບ້າ, ຢາໄອສ, ເຣໂລອິນ, ນໍ້າກະທ່ອມ, ຢາສູບໄຟຟ້າ, ປູມເປົ້າອັດແກັສ, ອັກຄີໄພ ຫລື ເຫດການອື່ນໆທ່ານ ສາມາດໂທເຂົ້າເບີສຸກເສີນ-ສາຍດ່ວນ ຂອງ ກອງບັນຊາການ ປກສ ແຂວງ ຜົ້ງສາລີ ເບີໂທ: 020 96511999 ຕະຫລອດ 24 ຊົ່ວໂມງ.
ໝາຍເຫດ: ກໍລະນີທີ່ໂທມາແຈ້ງສະພາບໃຫ້ລະບຸລະອຽດເຊັ່ນ: ສະຖານທີ່ເກີດເຫດ, ວັນເວລາ, ຊື່ຜູ້ໂທ, ການແຈ້ງສະພາບທາງໂທລະສັບສາຍດ່ວນແມ່ນບໍ່ໄດ້ເສຍຄ່າໂທ, ກໍລະນີຫາກບໍ່ມີສະພາບເກີດຂຶ້ນແມ່ນບໍ່ໃຫ້ໂທລົບກວນສ້າງຄວາມປັ່ນປ່ວນຕໍ່ເຈົ້າໜ້າທີ່ ຖ້າກວດເຫັນຈະຖືກສຶກສາອົບຮົມ ແລະ ດໍາເນີນຕາມລະບຽບກົດໝາຍ.
