ບໍລິສັດຢາສູບ ວິນິຕັນ ໃນກຳປູເຈຍ ມີຄວາມຜິດຖານລະເມີດກົດໝາຍຫ້າມໂຄສະນາຢາສູບ

ສະມາພັນຄວບຄຸມຢາສູບອາຊີຕາເວັນອອກສ່ຽງໃຕ້ລາຍງານວ່າ: ວັນທີ 19 ກຸມພາ 2024, ສານ ນະຄອນພະນົມເປັນ ກວດພົບວ່າ: ກຸ່ມບໍລິສັດ ວິນິຕັນຈໍາກັດ ແລະ ຜູ້ບໍລິຫານການຕະຫລາດ ມີຄວາມຜິດ ຖານລະເມີດກົດໝາຍ ປີ 2015 ວ່າດ້ວຍການຄວບຄຸມຜະລິດຕະພັນຢາສູບ ຈຶ່ງຖືກປັບໃໝເປັນເງິນ 30 ລ້ານ ລຽວ KHR ( ສະກຸນເງິນກຳປູຈຍ) ຫຼື ປະມານ 7,356.55 ໂດລາ ແລະ ຕ້ອງມອບເງິນຈຳນວນ 20 ລ້ານ KHR (4,904.36ໂດລາ) ໃຫ້ແກ່ກະຊວງສາທາລະນະສຸກ.

   ກະຊວງສາທາລະນະສຸກກໍາປູເຈຍ ໄດ້ຍື່ນຄໍາຮ້ອງຕໍ່ສານໃນ ເດືອນກໍລະກົດ ປີ 2020 ເພື່ອດໍາເນີນຄະດີກັບ ບໍລິສັດ Viniton ໂທດຖານສົ່ງເສີມການຊົມໃຊ້ຢາສູບ ໂດຍການໃຊ້ຄໍາທີ່ອະທິບາຍ ຣົດຊາດ ແລະ ກິ່ນ ໃສ່ໃນໂປສເຕີ້ ແລະ ໃບປິວ ແລ້ວຈັດສະແດງໃນສະຖານທີ່ສາທາລະນະ.ທີ່ເຮັດໃຫ້ເຂົ້າໃຈຜິດ, ກໍາປູເຈຍໄດ້ຫ້າມ ການໂຄສະນາ ການສົ່ງເສີມການຂາຍ ແລະ ການສະໜັບສະໜູນຢາສູບທຸກຮູບແບບ ຍົກເວັ້ນກິດຈະກຳເພື່ອສັງຄົມ ສ່ວນການໂຄສະນາຢາສູບໃນສະຖານທີ່ກາງແຈ້ງ ແລະ ບ່ອນຈຸດຂາຍຢາສູບແມ່ນຫ້າມເດັດຂາດ.

  ບໍລິສັດ Viniton ຈຳໜ່າຍຢາສູບຫຼາຍຍີ່ຫໍ້ເຊັ່ນ Angkor, Crown  ແລະ Luxury ເຊິ່ງເປັນໜຶ່ງໃນຍີ່ຫໍ້ທີ່ຖືກທີ່ສຸດໃນປະເທດ ມີຜູ້ສູບຢາສູບປະມານ 1.6 ລ້ານຄົນໃນກໍາປູເຈຍ, ໃນແຕ່ລະປີຢູ່ກໍາປູເຈຍ ມີ ຄົນເສຍຊີວິດ ດ້ວຍພະຍາດທີ່ເກີດຈາກຢາສູບ ປະມານ 15.000ຄົນ.