ສ.ເກົາຫລີ ຈະເອີ້ນລົດຄືນປະມານ 50.000 ກວ່າຄັນ ພາຍຫລັງພົບຂໍ້ຜິດພາດດ້ານການຜະລິດ
ສຳນັກຂ່າວ ຊິນຮວາ ລາຍງານໃນວັນທີ 21 ກຸມພາ 2024, ກະຊວງທີ່ດິນໂຄງສ້າງພື້ນຖານ ແລະ ການຂົນສົ່ງ ຂອງ ສ.ເກົາຫລີ ເປີດເຜີຍວ່າ: ກຸ່ມຜູ້ຜະລິດລົດ ພາຍໃນ ແລະ ຕ່າງປະເທດ 6 ແຫ່ງ ຈະເອີ້ນລົດຄືນ ໂດຍສະໝັກໃຈ ປະມານ 54.8000 ຄັນ, ເນື່ອງຈາກ ກວດພົບຂໍ້ຜິດພາດ ດ້ານການຜະລິດ ເປັນຕົ້ນ: ເທສລາ ໂຄເຣຍ(Tesla Korea) ຈະເອີ້ນລົດຄືນ 51.789 ຄັນ, ໃນ 4 ລຸ່ນ ລວມທັງ ໂມເດລ 3(Model 3); ລຸ່ນ ໂດເດລເອັສ(Model X) ເນື່ອງຈາກຂະໜາດຕົວອັກສອນ ຂອງຈໍພວງມະໄລ ນ້ອຍກວ່າ ມາດຕະຖານ ແລະ ເພື່ອແກ້ໄຂ ຂໍ້ຜິດພາດ ຂອງຊອບແວ ກ້ອງດ້ານຫລັງ;ເກຍ ຄອບ(Kia Corp) ຈະເອີ້ນຄືນລົດລຸ່ນ ອີວີ6(EV6) ແລະ ລຸ້ນ ໄອໂອນິກ 5(Ioniq 5) ເນື່ອງຈາກ ແຮງສົ່ງ ຂອງລໍ້ຫລັງ ຜິດປົກກະຕິ
ຂະນະທີ່ ຈີເອສ ໂກລບໍລ(GS Global), ຜູ້ນຳເຂົ້າລົດຂອງ ບີວາຍດີ(BYD) ໃນສ.ເກົາຫລີ ຈະເອີ້ນຄືນລົດ ຈຳນວນ 606 ຄັນ, ໃນ 5 ລຸ້ນ ລວມທັງ ລົດບັດສນີວ ບີວາຍດີ ອີບັດສ (NEW BYD eBus-12) ແລະ ບຳຮັນ ໂມບີລີຕີ(Bumhan Mobility) ຜູ້ນຳເຂົ້າລົດ ຂອງຮວງຮ່າຍ (Huanghai) ໃນສ.ເກົາຫລີ ຈະເອີ້ນຄືນລົດ 100ຄັນ ໃນ2 ລຸ່ນ ເຊັ່ນ ອີ-ສະກາຍ11 (E-SKY11) ເນື່ອງຈາກ ລະບົບ ທີ່ກ່ຽວຂ້ອງກັບ ການຮັບຜູ້ໂດຍສານ ທີ່ຕ່ຳກວ່າ ມາດຕະຖານ, ທາງດ້ານ ຟອດ ເຊລ ແອນ ເຊີວິດ ໂຄເຣຍ (Ford Sales & Service Korea) ຈະເອີ້ນຄືນລົດ ເນວິເກເຕີ(Navigator) ຈຳນວນ 350 ຄັນ ເພື່ອແກ້ໄຂຂໍ້ຜິດພາດ ຂອງກ້ອງດ້ານຫລັງ
