ປກສ ແຂວງບໍ່ແກ້ວ ມອບລົດຈັກ 2 ຄັນ ທີ່ຖືກຄົນຮ້າຍລັກໄປ ຄືນໃຫ້ເຈົ້າຂອງເດີມ

ປກສ ແຂວງບໍ່ແກ້ວ ລາຍງານວ່າ: ວັນທີ 20 ກຸມພາ 2024 ພະແນກສືບສວນ-ສອບສວນ ຫ້ອງຕໍາຫລວດ ປກສ ແຂວງ ບໍ່ແກ້ວ ໄດ້ມອບລົດຈັກ ຈໍານວນ 2 ຄັນ ທີ່ຖືກຄົນຮ້າຍລັກໄປ ຄືນໃຫ້ເຈົ້າຂອງເດີມ ຄື:

1. ມອບລົດຈັກເວບ 110 ໄອ ຍີ່ຫໍ້ ຮອນດ້າ ສີແດງ-ດໍາ ໝາຍເລກທະບຽນ ຈຂ 3091 ກໍາແພງນະຄອນ ຄືນໃຫ້ທ່ານ ນາງ ສຸພາພອນ ວົງຈັນ ປະຈຸບັນຢູ່ບ້ານ ຂອນແກ້ວ, ເມືອງ ຫ້ວຍຊາຍ ແຂວງ ບໍ່ແກ້ວ.
2. ມອບລົດຈັກເວບ 110 ໄອ ຍີ່ຫໍ້ ຮອນດ້າ ສີແດງ ບໍ່ມີປ້າຍທະບຽນ ເລກຈັກ: JA14E7300296 ຄືນໃຫ້ທ້າວ ອໍາກາ ເລືອງຄຸນແສງ ປັດຈຸບັນຢູ່ບ້ານ ຫົວຂົວ, ເມືອງຫລວງນໍ້າທາ ແຂວງ ຫລວງນໍ້າທາ.