ປກສ ເມືອງປາກຊ່ອງ ກັກຕົວກຸ່ມໄວລຸ້ນ ມົ້ວສຸມດື່ມນ້ຳກະທ່ອມ 8 ຄົນ ມາສຶກສາອົບຮົມກ່າວເຕືອນ
February 21, 2024 - 8:56 AM
ເຈົ້າໜ້າທີ່ຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ເມືອງປາກຊ່ອງ ແຂວງຈຳປາສັກ ໃຫ້ຮູ້ວ່າ: ວັນທີ 15 ກຸມພາ 2024 ເຈົ້າໜ້າທີ່ພະແນກຕຳຫລວດ ປກສ ເມືອງ ປາກຊ່ອງ ສົມທົບກັບ ປກສ ກຸ່ມບ້ານທີ 3 ເຂົ້າມ້າງກຸ່ມມົ້ວສຸມດື່ມໃບກະທ່ອມ (ພືດໃຫ້ສານເສບຕິດ) ຢູ່ເຂດບ້ານ ຫລັກ 43 ເມືອງປາກຊ່ອງ ແຂວງຈໍາປາສັກ, ສາມາດກັກຜູ້ຖືກຫາໄດ້ 8 ຄົນ ພ້ອມເຄື່ອງຂອງກາງ ໃບກະທ່ອມ 13 ຊຸດ.
ຈາກນັ້ນເຈົ້າໜ້າທີ່ໄດ້ນຳຕົວພວກກ່ຽວມາສຶກສາອົບຮົມກ່າວເຕືອນບໍ່ໃຫ້ ເຄື່ອນໄຫວກະທຳຜິດອີກ ແລະ ໄດ້ມອບພວກກ່ຽວໃຫ້ຜູ້ປົກຄອງກັບໄປສຶກສາອົບຮົມຕື່ມອີກ.
