ປີ 2024 ສະຫວັນນະເຂດ ຈະສຸມທຶນຮອນຂອງລັດ ເພື່ອພັດທະນາພື້ນຖານໂຄງລ່າງ ຢູ່ລຽບຊາຍແດນ ລາວ-ຫວຽດນາມ ມູນຄ່າ 50 ຕື້ກວ່າກີບ

 ວັນທີ 15 ກຸມພາ 2024, ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ ພ້ອມດ້ວຍ ພົນໂທ ວົງຄຳ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ເດີນທາງຢ້ຽມຢາມ ແລະ ຊຸກຍູ້ການພັດທະນາກຸ່ມບ້ານຈຽງຕູບ ເມືອງເຊໂປນ ແຂວງສະຫວັນນະເຂດ.

ໂອກາດດັ່ງກ່າວ, ທ່ານ ບຸນໂຈມ ອຸບົນປະເສີດ ເຈົ້າແຂວງໆສະຫວັນນະເຂດ ໄດ້ນຳພາຕິດຕາມເບິ່ງການພັດທະນາພື້ນຖານໂຄງລ່າງ, ການກໍ່ສ້າງ, ສ້ອມແປງ ແລະ ຍົກລະດັບເສັ້ນທາງ ແຕ່ທາງແຍກເສັ້ນທາງ 28A ຈຸດບ້ານໂພນໄຮ ຫາ ບ້ານຈຽງຕູບ ຊາຍແດນລາວ-ຫວຽດນາມ ຍາວ 60 ກ່ວາກິໂລແມັດ, ການບຸກເບີກເນື້ອທີ່ນາ ແລະ ເນື້ອທີ່ການຜະລິດ, ການບຸກເບີກຈັດສັນບັນດາຫ້ອງການ, ການຈັດສັນບັນດາໂຄງການທີ່ນອນໃນກຸ່ມບ້ານຈຽງຕູບ ເມືອງເຊໂປນ ເຊິ່ງປີ 2024ນີ້ ມີທັງໝົດ 11 ໂຄງການ, ມູນຄ່າ 50,580 ຕື້ກ່ວາກີບ, ໂດຍນຳໃຊ້ 5 ບ້ວງທຶນເຂົ້າໃນການພັດທະນາໂຄງການ.

ທັງໝົດແມ່ນນຳໃຊ້ທຶນຮອນຂອງລັດຖະບານ ເຂົ້າໃນການພັດທະນາພື້ນຖານໂຄງລ່າງ ໃຫ້ປະຊາຊົນຢູ່ລຽບຊາຍແດນ ລາວ-ຫວຽດນາມ ມີຄວາມສະດວກສະບາຍ, ໂດຍສະເພາະການສຸມທຶນຮອນຂອງແຂວງສະຫວັນນະເຂດ ແລະ ກະຊວງປ້ອງກັນປະເທດ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນ ໄດ້ຮັບການພັດທະນາທີ່ດີຂຶ້ນ,