ປກສ ເມືອງຕົ້ນເຜິ້ງ ກັກຊາຍສັນຊາດຈີນຂັບລົດໂດຍສານຂົນຢາເສບຕິດຫລາຍປະເພດ

ປກສ ແຂວງບໍ່ແກ້ວ ລາຍງານ ວັນທີ 13 ກຸມພາ 2024 ວ່າ: ໃນວັນທີ 6 ກຸມພາ ຢູ່ທີ່ຈຸດກວດການໍ້າເກິ່ງ ເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ກັກລົດຂົນສົ່ງມາແຕ່ ເມືອງ ຕົ້ນເຜິ້ງ ທີ່ຈະເດີນທາງເຂົ້າເມືອງຫ້ວຍຊາຍ, ຊຶ່ງຂັບໂດຍ ທ້າວ ຈ້າວຢຸ່ນຊ່ານ ອາຍຸ 36 ປີ, ເຊື້ອຊາດຈີນ,ສັນຊາດຈີນ, ປັດຈຸບັນ ຢູ່ບ້ານ ຫ່າງປ້າງ , ເມືອງ ມົງໂປຊຽນ, ແຂວງ ເມິງໂປ (ປະເທດມຽນມາ ), ຜ່ານການກວດຄົ້ນ ພົບເຫັນຢາເສບຕິດຢູ່ໃນກະເປົ໋າ ຂອງກ່ຽວ ພົບຢາເສບເຕດປະເພດຢາບ້າ 103 ເມັດ, ເຄຕາມິນ 1 ຖົງໃຫຍ່ ແລະ 1 ຖົງນ້ອຍ, ຢາອີ 52 ເມັດ, ຢາຂາຄູ່ 94 ຖົງໃຫຍ່ ແລະ 298 ຖົງນ້ອຍ, ແປ້ງຝຸ່ນ 6 ຖົງນ້ອຍ, ຄໍລາເຈັນ 29 ຊອງ, ຢາເມັດສີສົ້ມ 23 ເມັດ ແລະ ຢາເມັດສີບົວ ຈໍານວນ 8 ເມັດ, ນໍ້າສີດໍາ ຈຳນວນ 2 ຕຸກໃຫຍ່ ແລະ 1 ຕຸກນ້ອຍ, ແປ້ງຝຸ່ນສີນ້ຳຕານ 1 ກະປຸກ.

ສະນັ້ນ, ເຈົ້າໜ້າທີ່ຢູ່ຈຸດກວດກາດັ່ງກ່າວ ຈຶ່ງໄດ້ກັກຕົວຜູ້ກ່ຽວພ້ອມຂອງກາງສົ່ງໃຫ້ພະແນກທີ່ກ່ຽວຂ້ອງ ເພື່ອດໍາເນີນຕາມລະບຽບກົດໝາຍ