ປກສ ຫລວງນ້ຳທາ ທຳລາຍສວນຝິ່ນທີ່ປະຊາຊົນລັກລອບປູກ ເນື້ອທີ່ 2.950 ຕາແມັດ
February 6, 2024 - 4:40 PM
ວັນທີ 31 ມັງກອນ 2024, ພະແນກກວດກາ ແລະ ຄວບຄຸມຢາເສບຕິດ ປກສ ແຂວງຫລວງນ້ຳທາ ລົງທຳລາຍສວນຢາຝິ່ນທີ່ປະຊາຊົນລັກລອບປູກ ຢູ່ເຂດບ້ານນ້ຳຂຸນ ເມືອງ ຫລວງນ້ຳທາ ປະມານ 5 ຕອນ, ມີເນື້ອທີ່ 2.950 ຕາແມັດ.
ການທຳລາຍໃນສວນຢາຝິ່ນໃນຄັ້ງນີ້ ໂດຍໃຊ້ພ້າຖ່າງ, ໄມ້ຟາດ ແລະ ຫລົກຕົ້ນອ່ອນ ເພື່ອບໍ່ໃຫ້ສາມາດປົ່ງຄືນໄດ້ອີກ, ພາຍຫລັງທຳລາຍແລ້ວກໍໄດ້ນຳເອົາເຈົ້າຂອງສວນ ມາສ້າງບົດບັດທຶກ ພ້ອມທັງສຶກສາອົບຮົມກ່າວເຕືອນໃຫ້ຮູ້ເຖິງຄວາມອັນຕະລາຍຂອງຢາຝິ່ນ.
