ເປີດໂຕຜູ້ກໍ່ການຮ້າຍ ຍິງຝູງຊົນທີ່ເວກັດ ຕາຍກວ່າ 50 ບາດເຈັບ 400 ກວ່າຄົນ ( ລວມພາບວີດິໂອເຫດການ )
ເມື່ອວັນທີ 2 ຕຸລາ ສຳນັກຂ່າວຕ່າງປະເທດລາຍງານເຫດຍິງຝູງຊົນ ສະເທືອນຂວັນ ແລະ ຮ້າຍແຮງທີ່ສຸດໃນປະຫວັດສາດຍຸກໃຫມ່ຂອງ ອາເມລິກາ ໃນເມືອງເວກັດ ລັດເນວາດາ ເມື່ອຄົນຮ້າຍໄດ້ ໃຊ້ປືນກົນ ຍິງໃສ່ຝູງຊົນ ທີ່ເຂົ້າມາຮ່ວມງານເທດສະການດົນຕີ ຫລາຍຮ້ອຍນັດ ຢູ່ຊັ້ນ 32 ຂອງອາຄານໂຮງແຮມຫນຶ່ງ ເຮັດໃຫ້ມີຄົນເສຍຊີວິດ ຢ່າງຫນ້ອຍ 50 ກວ່າຄົນ ໃນນັ້ນມີເຈົ້າຫນ້າທີ່ຕຳຫລວດ 2 ທ່ານ ແລະ ບາດເຈັບຫລາຍກວ່າ 400 ຄົນ ຫລັງຈາກເຫດການສະຫງົບລົງ ມືປຶນໄດ້ ໃຊ້ປືນ ຍິງຕົນເອງຕາຍ.
ເຈົ້າຫນ້າທີ່ຕຳຫລວດເປີດເຜີຍວ່າ: ມືປືນແມ່ນ ທ່ານ ສະຕີແຟນ ແພດດອ໋ກ ເປັນຄົນພື້ນທີ່ ອາຍຸ 64 ປີ ກວດພົບເຫັນປືນຢ່າງຫນ້ອຍ 8 ກະບອກ ໃນຫ້ອງພັກໂຮງແຮມຊັ້ນ 32 ເຊີ່ງຕຳຫລວດ ໃຫ້ຂໍ້ສັນນິຖານວ່າ ຜູ້ຮ້າຍກໍ່ເຫດພຽງຄົນດຽວ. ຂະນະດຽວກັນ ເຈົ້າຫນ້າທີ່ຕຳຫລວດໄດ້ບຸກເຂົ້າເຮືອນພັກອາໄສຂອງ ສະຕີແຟນ ທີ່ອາໄສຢູ່ກັບພັນລະຍາ ນາງ ເມຣີຈູ ອາຍຸ 62 ປີ ເປັນບ້ານຊັ້ນດຽວ ໃນເຂດຊຸມຊົນຜູ້ກະສຽນອາຍຸ ຊັນຊິດຕີ້ ຫ່າງຈາກເມືອງເວກັດ 128 ກມ ແຕ່ບໍ່ພົບໃຜ.
