ປກສ ແຂວງຄຳມ່ວນ ກັກຕົວກຸ່ມແກ້ງ ຄ້າ-ຂາຍຢາເສບຕິດ ມາດຳເນີນຄະດີ

ວັນທີ 30 ມັງກອນ 2024, ເຈົ້າໜ້າທີ່ພະແນກຕຳຫຼວດຕ້ານ ແລະ ສະກັດກັ້ນຢາເສບຕິດ ປກສ ແຂວງຄຳມ່ວນ ກັກຕົວຜູ້ຄ້າ-ຂາຍ ຢາເສບຕິດ 2 ຄົນ ຂະນະທີ່ກຳລັງຂັບຂີ່ລົດໄປສົ່ງຢາ ພ້ອມຢຶດຂອງກາງຢາບ້າ 300 ເມັດ. ຜ່ານການສອບສວນເບື້ອງຕົ້ນ ທ້າວ ພູມີພົນ (ຫຼື ທ້າວ ຊ້າງ) ອາຍຸ 31 ປີ ຢູ່ບ້ານໜອງບົວຄຳ ເມືອງທ່າແຂກ ແລະ ນາງ ຄຳແສນ (ຫຼື ຕ໋ອກ) ອາຍຸ 31 ປີ ຢູ່ບ້ານ ສົມສະອາດ ເມືອງທ່າແຂກ  ຍອມຮັບວ່າ ຢາບ້າຈຳນວນດັ່ງກ່າວແມ່ນຂອງພວກກ່ຽວແທ້ໂດຍຊື້ມາຈາກ ທ້າວ ປອນວິໄລ ອາຍຸ 21 ປີ ຢູ່ບ້ານ ສົມສະອາດ ເມືອງທ່າແຂກ ເພື່ອນຳໄປຈຳໜ່າຍ ແຕ່ຖືກເຈົ້າໜ້າທີ່ເຂົ້າກັກຕົວໄດ້ກ່ອນ.

ຮອດເວລາ 17:00 ໂມງຂອງວັນດຽວກັນ ທາງເຈົ້າໜ້າທີ່ ສາມາດກັກຕົວ ທ້າວ ປອນວິໄລ ພ້ອມຂອງກາງຢາບ້າ 251 ເມັດ. ແລະ ໜູ່ຮ່ວມຂະບວນການນຳກັນອີກໜຶ່ງຄົນ ຊື່ທ້າວ ຕ້ອມ ອາຍຸ 19 ປີ, ປັດຈຸບັນທາງເຈົ້າໜ້າທີ່ກຳລັງຂະຫຍາຍຜົນຫາກ່ມຜູ້ຮ່ວມຂະບວນການມາດຳເນີນຄະດີຕາມຂັ້ນຕອນຂອງກົດໝາຍ.