ເມືອງສັງທອງດຳເນີນກອງປະຊຸມຄະນະບໍລິຫານງານພັກເມືອງປະຈຳໄຕມາດ III
ກອງປະຊຸມຄະນະບໍລິຫານງານພັກເມືອງສັງທອງ ປະຈຳໄຕ ມາດ III ສົກປີ 2017 ແລະ ທິດ ທາງແຜນການໄຕມາດ IV, ໄດ້ ໄຂຂຶ້ນໃນວັນທີ 28-29 ກັນຍາ ຜ່ານມານີ້, ທີ່ຫ້ອງວ່າການປົກ ຄອງເມືອງ, ໂດຍການເປັນປະ ທານຂອງສະຫາຍ ຄຳໝູນ ຕຽງທະລາດ ຄະນະພັກນະ ຄອນຫລວງວຽງຈັນ, ເລຂາພັກ ເມືອງ, ເຈົ້າເມືອງສັງທອງ, ມີ ຄະນະປະຈຳ, ຄະນະພັກອ້ອມ ຂ້າງ ເມືອງສັງທອງເຂົ້າຮ່ວມ ຢ່າງພ້ອມພຽງ.
+ ເມືອງສັງທອງເປີດກອງປະຊຸມຄົບຄະນະບໍລິຫານງານສະຫະພັນກຳມະບານ
+ ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ
ທ່ານນາງ ແສງແກ້ວ ພົມມະລາດ ຮອງເລຂາພັກ ເມືອງ ສັງທອງໄດ້ລາຍງານ ການຈັດຕັ້ງປະຕິບັດນຳພາວຽກ ງານຮອບດ້ານຂອງອົງຄະນະ ພັກ ເມືອງສັງທອງ ໃນໄລຍະ 3 ເດືອນປະຈຳໄຕມາດ III ແລະ ວາງທິດທາງແຜນການ 3 ເດືອນ ຕໍ່ໜ້າ ປະຈຳໄຕມາດທີ IV. ໃນ ໄລຍະ 3 ເດືອນຜ່ານມາ, ຄະນະ ພັກ- ອົງການປົກ ຄອງເມືອງ ແລະ ຮາກຖານບ້ານ ໄດ້ຈັດຕັ້ງ ເຊື່ອມຊຶມແນວທາງນະໂຍບາຍ ມະຕິຄຳສັ່ງຂອງພັກ- ລະບຽບ ກົດໝາຍຂອງລັດ ແລະ ປາຖະ ກະຖາເຫລົ່າມູນເຊື້ອອັນສຳຄັນ ຕ່າງໆຂອງຊາດ- ຂອງພັກໄດ້ ເປີດບັ້ນດຳເນີນຊີວິດການເມືອງ ປັບປຸງປົວແປງພັກຕິດພັນກັບ ການກໍ່ສ້າງໜ່ວຍພັກເຂັ້ມແຂງ ຮູ້ນຳພາຮອບດ້ານຢູ່ໃນສຳນັກ ງານຫ້ອງການ ແລະ ຮາກຖານ ບ້ານທົ່ວເມືອງ, ໂດຍມີສະມາ ຊິກພັກເຂົ້າຮ່ວມ 1.117 ສະ ຫາຍ, ຍິງ 253 ສະຫາຍ, ພ້ອມ ນີ້ຍັງໄດ້ມອບນາມມະຍົດໜ່ວຍ ພັກເຂັ້ມແຂງ-ຮູ້ນຳພາຮອບດ້ານ ໃຫ້ 38 ໜ່ວຍພັກ.
3 ເດືອນຜ່ານມາ, ມີຄະດີ ເກີດຂຶ້ນທັງໝົດ 38 ເລື່ອງ, ມ້າງໄດ້ 17 ເລື່ອງ, ຢູ່ໃນຂັ້ນ ຕອນດຳເນີນຄະດີ 10 ເລື່ອງ ກັກຕົວຜູ້ຕ້ອງຫາໄດ້ 34 ຄົນ, ໃນນັ້ນ ລັກຊັບພົນລະເມືອງມີ 14 ເລື່ອງ, ມ້າງໄດ້ 5 ເລື່ອງ, ຄະດີ ຢາເສບຕິດ 19 ເລື່ອງ, ນັກເລງ ອັນຕະພານ ໄດ້ 1 ເລື່ອງ, ສໍ້ໂກງ ຊັບ 1 ເລື່ອງ ແລະ ມາຮອດປັດ ຈຸບັນສາມາດເກັບລາຍຮັບເຂົ້າ ງົບປະມານໄດ້ຫລາຍກວ່າ 3 ຕື້ ກີບ ເທົ່າກັບ 64% ຂອງແຜນ ການ. ສຳລັບການປ່ອຍສິນເຊື່ອ ຂອງທະນາຄານນະໂຍບາຍ ແລະ ທະນາຄານສົ່ງເສີມກະສິ ກຳໃຫ້ກຸ່ມເປົ້າໝາຍຕ່າງໆໃນ ໄລຍະສັ້ນ, ກາງ ແລະ ຍາວໄດ້ ທັງໝົດ 6.120 ລ້ານ ກວ່າກີບ, ໃຫ້ປະຊາຊົນເຂົ້າ ໃນການປູກ ຝັງ, ລ້ຽງສັດ ຈຳນວນ 22 ບ້ານ, 95 ກຸ່ມການຜະລິດ 706 ຄອບ ຄົວ, ນອກນີ້ໄດ້ສົມທົບກັບຄະ ນະກຳມະການສະເພາະກິດນະ ຄອນຫລວງວຽງຈັນລົງຮື້ຖອນ ໂຮງງານ ເຟີນີເຈີທີ່ບໍ່ໄດ້ຮັບອະ ນຸຍາດ 8 ແຫ່ງ, ສາມາດຢືດ ເຄື່ອງຈັກໄດ້ 58 ລາຍການ ແລະ ໄມ້ແປຮູບຫລາຍກວ່າ 870 ແມັດກ້ອນ, ໄປຄຽງຄູ່ການກວດ ກາສິນຄ້າຕ້ອງຫ້າມ ແລະ ສິນ ຄ້າໝົດອາຍຸ ໃນ 9 ບ້ານ, ມີ 38 ຮ້ານມີມູນຄ່າຫລາຍກວ່າ 1 ຕື້ ກີບໄປທຳລາຍຖີ້ມ.
