ຈຳລອງຄືນ ເຫດຄາດຕະກຳ ຊາຍສັນຊາດຫວຽດນາມ ຍ້ອນຄວາມຫຶງຫວງເມຍ
ວັນທີ 31 ມັງກອນ 2024 , ເຈົ້າໜ້າທີ່ພະແນກຕຳຫຼວດສືບສວນ-ສອບສວນ ຄະດີອາຍາຫ້ອງຕຳຫຼວດ ປກສ ແຂວງຄຳມ່ວນ, ນຳຕົວທ້າວ ດ່າວຕວັນວູ່ ອາຍຸ 32 ປີ, ອາຊີບກຳມະກອນ, ເຊື້ອຊາດ ແລະ ສັນຊາດຫວຽດນາມ, ປັດຈຸບັນພັກເຊົາຢູ່ບ້ານສັນຕິສຸກ ເມືອງທ່າແຂກ ແຂວງຄຳມ່ວນ ໄປສ້າງແຜນຈຳລອງຄືນ ຫລັງກໍ່ເຫດຄາດຕະກຳ ທ້າວ ໂງ່ແທັງຫາຍ ອາຍຸ 29 ປີ ໃນວັນທີ 25 ມັງກອນ 2024, ເນື່ອງຈາກ ຄວາມຫຶງຫວງເມຍ ຈຶ່ງເປັນເຫດໃຫ້ເກີດການຄາດຕະກຳໃນຄັ້ງນີ້.
ຜ່ານການສືບສວນ-ສອບສວນຂອງເຈົ້າໜ້າທີ່ ຜູ້ກ່ຽວ ໄດ້ສາລະພາບຕໍ່ເຈົ້າໜ້າທີ່ວ່າ: ວັນທີ 23 ເມສາ 2018 ຕົນເອງ ກັບ ເມຍ ຊື່ ນາງຫວໍທິທູຮັ່ງ ອາຍຸ 37 ປີ, ໄດ້ເດີນທາງມາ ປະເທດລາວ ມາພັກ ແລະ ເຊົ່າເຮືອນເປີດຮ້ານຂາຍເຂົ້າປຸ້ນ ຢູ່ບ້ານຈອມທອງ, ເມືອງທ່າແຂກ ແຂວງຄຳມ່ວນ, ມີລູກຮ່ວມກັນ 1 ຄົນ. ຢູ່ມາທັງສອງຜົວເມຍ ຈຶ່ງໄດ້ຮູ້ຈັກກັບ ທ້າວໂງ່ແທັງຫາຍ (ຜູ້ເສຍຊິວິດ) ທີ່ພັກເຊົາຢູ່ເຮືອນໃກ້ຄຽງຫ່າງກັນປະມານ 10 ເເມັດ.
ມື້ເກີດເຫດ ມີຄົນຮູ້ຈັກກັນຢູ່ຂ້າງຫ້ອງ ມາເອີ້ນ ສອງຜົວເມຍ ໄປກິນຊີ້ນດາດ ແຕ່ທ້າວ ດ່າວຕວັນວູ່ ຕອບວ່າ: ຂອບໃຈພວກເຮົາກິນເຂົ້າແລ້ວໆ. ຈາກນັ້ນປະມານ 10 ນາທີ ຜູ້ເປັນເມຍຈຶ່ງໄດ້ຍ່າງໄປກິນຊິ້ນດາດນຳ ສ່ວນຜູ້ເປັນຜົວແມ່ນນັ່ງເບິ່ງໂທລະພາບຢູ່. ຈົນຮອດເວລາ 21:30ໂມງ ຍັງບໍ່ເຫັນເມຍຂອງຕົນກັບມາເຮືອນຈຶ່ງໄດ້ນັ່ງກິນເບຍຖ້າຢູ່ຫ້ອງ ຈົນໝົດ 7 ແກ້ວ. ຮອດເວລາ 22:30ໂມງ ຜູ້ກ່ຽວຈິ່ງໄດ້ນັ່ງຈອບຟັງ ພວກກ່ຽວລົມກັນ ແລະ ທ້າວ ໂງ່ແທັງຫາຍ (ຜູ້ເສຍຊິວິດ) ໄດ້ເວົ້າຢອກເມຍຂອງຜູ້ກ່ຽວວ່າ: ເຖິງວ່າຂ້ອຍອາຍຸນ້ອຍກວ່າເຈົ້າກໍ່ຕາມຖ້າຫາກເອົາກັນໄປເຈົ້າກໍຍັງຈະໄດ້ຮ້ອງຂ້ອຍວ່າອ້າຍຄືເກົ່າ. ເມື່ອຜູ້ກ່ຽວໄດ້ຍິນແນວນັ້ນຈຶ່ງໃຈຮ້າຍ ບວກກັບອາການມືນເມົາ ຈຶ່ງໄດ້ຈັບເອົາມີດຢູ່ເຮືອນຄົວ ຍາວ 25cm ແລ້ວຍ່າງໄປທາງຫຼັງເຮືອນຂອງຜູ້ເສຍຊິວິດ ເພື່ອໄປນາບຂູ່, ພໍໄປຮອດປະຕູຫຼັງເຮືອນ ເຫັນ ທ້າວໂງ່ແທັງຫາຍ ອອກມາຖ່າຍເບົາ, ຜູ້ກ່ຽວຈຶ່ງຍູ່ປະຕູຫ້ອງນໍ້າ ເຮັດໃຫ້ ທ້າວໂງ່ແທັງຫາຍ ພະລາດລົ້ມ ແລ້ວ ໃຊ້ມີດແທງໃສ່ໜ້າເອິກ 1 ບາດ ແລະ ໄດ້ຖອດມີດອອກ ແລ້ວແກ່ວງມີດເຫຼັ້ມດັ່ງກ່າວຖີ້ມເຂົ້າປ່າເອົາຕົວຫລົບໜີ. ສ່ວນທ້າວ ໂງ່ແທັງຫາຍ ແມ່ນໄດ້ຮັບບາດເຈັບສາຫັດ ແລະ ເສຍຊິວິດໃນເວລາຕໍ່ມາ.
ຈາກນັ້ນ, ເຈົ້າໜ້າທີ່ພະແນກຕຳຫຼວດສືບສວນ-ສອບສວນຄະດີອາຍາ ປກສ ແຂວງຄຳມ່ວນ ສົມທົບກັບພາກສ່ວນທີ່ກ່ຽວຂ້ອງຈຶ່ງໄດ້ນຳຈັບຕົວ ທ້າວ ດ່າວຕວັນວູ່ ມາດຳເນີນຄະດີຕາມລະບອົງການ ສປຊ, ພວກເຮົາພ້ອມທີ່ຈະສືບຕໍ່ສະໜັບສະໜູນລັດຖະບານລາວ ຢ່າງຕໍ່ເນື່ອງ. ເພື່ອແນໃສ່ເຮັດໃຫ້ສະພາບເສດຖະກິດ-ສັງຄົມ ຂອງ ສປປລາວ ກ້າວໄປທາງໜ້າ ໄດ້ໂດຍໄວ ແລະມີຄວາມຍືນຍົງ. ຽບກົດໝາຍ.
