ກວດພະຍາດຜິວໜັງໂດຍບໍ່ໄດ້ເສຍຄ່າ
ກວດພະຍາດຜິວໜັງໂດຍບໍ່ໄດ້ເສຍຄ່າສະເພາະວັນທີ 26 ມັງກອນ 2024 ເວລາ 9:00-12:00 ໂມງ
ທີ່ ສູນຜິວໜັງ ນະຄອນຫລວງວຽງຈັນ
ເມື່ືອຖືກບົ່ງມະຕິວ່າເປັນພະຍາດຫລວງ (ຂີ້ທູດ) ແມ່ນຈະໄດ້ຮັບການປິ່ນປົວໃຫ້ຫາຍຂາດໂດຍບໍ່ໄດ້ເສຍຄ່າ. ດັ່ງນັ້ນ, ຈຶ່ງຖືໂອກາດນີ້ເຊີນຊວນພໍ່ແມ່ພີ່ນ້ອງປະຊາຊາຊົນທຸກທົ່ວໜ້າຈົ່ງພ້ອມກັນມາກວດ ແລະ ຊ່ວຍກັນໂຄສະນາເຜີຍແຜ່ສ້າງຄວາມຮັບຮູ້ນໍາກັນວ່າ “ພະຍາດຫລວງ (ຂີ້ທູດ) ສາມາດປິ່ນປົວດີແທ້ແນ່ນອນ ແລະ ບໍ່ເສຍຄ່າ”.
ພະຍາດຫລວງ (ຂີ້ທູດ) ແມ່ນພະຍາດຊຶມເຊື້ອຈຸລິນຊີ ທີ່ມີຊື່ວິທະຍາສາດວ່າ ມີໂກແບກທີຣິອອມ ລີແປຣ (Mycobacterium leprae), ລັກສະນະອາການຂອງພະຍາດຫຼວງ (ຂີ້ທູດ): ຜິວໜັງຈະເຫັນເປັນແຜໜັງດ່າງສີຈືດຈາງ ຫຼື ສີແດງ, ເປັນແຜ່ນ, ເປັນຕຸ່ມ ຫຼື ໜ່ວຍ, ບໍ່ເຈັບ, ບໍ່ຄັນ, ບໍ່ມີນໍ້າເຫື່ອ, ບາງຄັ້ງບໍ່ມີຂົນຢູ່ບໍລິເວນແຜໜັງດັ່ງກ່າວ.
ຜູ້ທີ່ຕິດເຊື້ອແລ້ວຖ້າບໍ່ໄດ້ຮັບການປິ່ນປົວແຕ່ເລີ່ມຕົ້ນຈະກໍ່ໃຫ້ເກີດພິການຢູ່ ຕາ, ມື, ຕີນ, ກົງກັນຂ້າມ ພະຍາດນີ້ຖ້າໄດ້ຮັບການປິ່ນປົວແຕ່ເລີ່ມຕົ້ນສາມາດປ້ອງກັນຄວາມເປັນພິການໄດ້;
ໝາຍເຫດ: ຢາບາງຊະນິດກ່ຽວກັບພະຍາດຜິວໜັງທົ່ວໄປແມ່ນຄົນເຈັບຈະໄດ້ຊື້ເອງ.
