ເຈົ້າໜ້າທີ່ພາສີ ປະຈໍາຈຸດປະສານງານນາເຕີຍ ຢຶດລົດບັນທຸກ (ຫົວລາກ) ທີ່ສວມປ້າຍທະບຽນປອມ

ວັນທີ 16 ມັງກອນ 2024, ເຈົ້າໜ້າທີ່ພາສີພະແນກສືບ-ສອບສວນ ແລະ ປາບປາມກາລັກລອບໜີພາສີ (ພສປ) ປະຈໍາຈຸດປະສານງານນາເຕີຍ ແຂວງຫຼວງນໍ້າທາ, ໄດ້ຮັບແຫຼ່ງຂ່າວຈາກພົນລະເມືອງດີລາຍງານວ່າມີລົດບັນທຸກ (ຫົວລາກ) ສວມປ້າຍທະບຽນປອມ 1 ຄັນ, ເຄື່ອນໄຫວຢູ່ໃນເຂດບ້ານບໍ່ປຽດ ເມືອງ ແລະ ແຂວງຫລວງນ້ຳທາ.

ຈາກນັ້ນ ເຈົ້າໜ້າທີ່ ເຄື່ອນໄຫວຕິດຕາມຈຶ່ງພົບເຫັນເປົ້າໝາຍ, ຜ່ານການກວດກາເບື້ອງຕົ້ນເຫັນວ່າ: ເປັນລົດລັກລອບບໍ່ມີເອກະອະນຸຍາດນຳເຂົ້າ, ຍັງບໍ່ໄດ້ເສຍພາສີ-ອາກອນ ແລະ ພັນທະອື່ນໆ.

ດັ່ງນັ້ນ, ຈຶ່ງໄດ້ນຳລົດຄັນດັ່ງກ່າວມອບໃຫ້ພາສີປະຈຳແຂວງຫຼວງນໍ້າທາ, ດຳເນີນຂັ້ນຕອນຕາມກົດໝາຍ ແລະ ລະບຽບການຕໍ່ໄປ.