ປີ 2023 ທ່າກຳປັ່ນ ສິງກະໂປ ຂົນສົ່ງຕູ້ຄອນເທັນເນີສູງເປັນປະຫວັດສາດ

ສຳນັກຂ່າວ ຊິນຮວາຂອງ ສປຈີນ, ທ່ານ ຊີຮົງທາດ ຮັກສາການ ລັດຖະມົນຕີ ກະຊວງ ຄົມມະນາ ຄົມຂອງ ສິງກະໂປ ເປີດເຜີຍວ່າ: ປະລິມານ ຕູ້ຄອນເທັນເນີ ໝູນວຽນ ທາງທະເລ ຂອງສິງກະໂປ ເພີ່ມຂຶ້ນສູງເປັນປະຫວັດສາດ ຄັ້ງໃໝ່ ທີ 39,01 ລ້ານທີອີຢູ (TEU: ຫົວໜ່ວຍ ນັບຕູ້ ຄອນເທັນເນີ ຍາວ 20 ຟຸດ)ໃນປີ 2023.

ທ່ານ ຊີຮົງທາດ ໄດ້ເຂົ້າຮ່ວມກອງປະຊຸມ ສົນທະນາ ເນື່ອງໃນໂອກາດປີໃໝ່ ຂອງມູນລະນິທິ ກິດຈະການ ແລ່ນກຳປັ່ນຂອງ ສິງກະໂປ ກ່າວວ່າ: ລະຫວ່າງ ນໍ້າໜັກ ທຽບກຳປັ່ນ ລາຍປີ ຂອງ ສິງກະໂປ ໃນປີ 2023 ສູງເຖິງ 3,09 ຕື້ກຣໍສຕັນ (gross ton), ຊຶ່ງເພີ່ມຂຶ້ນ 9,4% ຈາກ ປີ 2022.

ຂະນະດຽວກັນ ສະຖານີ ຕູ້ຄອນເທັນເນີ ຂອງສິງກະໂປ ຮັບຮອງ ສິນຄ້າ ໃນປີ 2023 ລວມ 591,70 ລ້ານໂຕນ ແລະ ລະຫວ່າງ ນໍ້າໜັກລວມ ຂອງກຳປັ່ນ ທີ່ຕັ້ງທຸງຊາດ ສິງກະໂປ ສູງເຖິງ 99,56 ລ້ານກຣໍສຕັນ.

ນອກນີ້ ຍັງຮຽກຮ້ອງ ການຍົກລະດັບ ທ່າກຳປັ່ນ ຂອງສິງກະໂປ ດ້ວຍເຕັກໂນໂລຊີ ດິຈິຕອນ ທີ່ເປັນມິດກັບ ສິ່ງແວດລ້ອມ ແລະ ສ້າງທີມ ຜູ້ມີຄວາມຮູ້ ຄວາມສາມາດ ດ້ານການ ແລ່ນກຳປັ່ນ ທາງທະເລ ເພື່ອຕອບສະໜອງ ຄວາມຕ້ອງການ ຂອງການປ່ຽນຜ່ານ ສູ່ອຸດສາຫະກຳ ແລ່ນກຳປັ່ນ ຢ່າງວອງໄວ.