ອີຣັກ-ອີຣານຊ້ອມຮົບຮ່ວມ ໃກ້ຊາຍແດນເກີດິສຖານ

ອີຣັກ ແລະ ອີຣານຈັດການຊ້ອມຮົບຮ່ວມກັນຕາມຊາຍແດນ ເຊິ່ງລວມທັງບໍລິເວນເຂດປົກຄອງຕົນເອງເກີດິສ ຖານ ທີ່ລົງປະຊາມະຕິແຍກເອກະລາດຈາກລັດຖະບານແບກແດດໃນທ້າຍອາທິດຜ່ານມາ.

ສຳນັກຂ່າວຕ່າງປະເທດລາຍງານຈາກນະຄອນຫລວງແບກແດດ ປະເທດອີຣັກ ໃນວັນທີ 1 ຕຸລາວ່າ: ກອງທັບອີ ຣານອອກຖະແຫລງການໃນວັນທີ 30 ກັນຍາວ່າ: ການຊ້ອມຮົບຮ່ວມກັບກອງທັບອີຣັກຈະເກີດຂຶ້ນໃນມໍ່ໆນີ້ ຕາມຊາຍແດນທີ່ຕິດກັນຂອງທັງສອງປະເທດ ເຊິ່ງລວມທັງຊາຍແດນທາງຕາເວັນຕົກສຽງເໜືອຂອງອີຣານ ທີ່ຕິດກັບ ພາກຕາເວັນອອກສຽງເໜືອຂອງເຂດປົກຄອງຕົນເອງເກີດິສຖານຂອງອີຣັກ ໂດຍມີການລະບຸອີກວ່າ: ການເຝິກຊ້ອມ ຮ່ວມກັນລະຫວ່າງສອງປະເທດໃນຄັ້ງນີ້ມີຄວາມຈຳເປັນຢ່າງຍິ່ງ ເພື່ອມາດຕະການຈັດການຄວາມໝັ້ນຄົງຕາມຊາຍ ແດນ.

ການເຄື່ອນໄຫວດັ່ງກ່າວເກີດຂຶ້ນໃນເວລາດຽວກັບກອງທັບອີຣັກຈັດການຊ້ອມຮົບຮ່ວມກັບຕວກກີ, ຕໍ່ມານາຍົກ ລັດຖະມົນຕີ ໄຮເດີ ອັດ ອາບາດີ ກ່າວວ່າ: ໃນທາງປານີປານອມວ່າການຊ້ອມຮົບເຊິ່ງເກີດຂຶ້ນໃນໄລຍະນີ້ມີຈຸດປະສົງ ສຳຄັນເພື່ອປົກປ້ອງຊາວອີຣັກທຸກຄົນ ລວມທັງປະຊາຊົນໃນເຂດປົກຄອງຕົນເອງເກີດິສຖານ ເຊິ່ງຈັດການລົງປະຊາ ມະຕິໃນວັນທີ 25 ກັນຍາຜ່ານມາ ດ້ວຍຜົນຄະແນນສຽງຫລາຍກວ່າ 92% ຕ້ອງການແຍກຕົວອອກຈາກການຢູ່ພາຍ ໃຕ້ອະທິປະໄຕຂອງລັດຖະບານແບກແດດ, ສ່ວນອາເມລິກາຢືນຢັນບໍ່ຮັບຮອງຜົນການລົງປະຊາມະຕິຄັ້ງນີ້ ແລະ ຮຽກ ຮ້ອງໃຫ້ມີການເຈລະຈາ.