ທະຫານອາກາດ ຈະນຳໃຊ້ 4 ຝູງບິນສະແດງຢູ່ເທິງນ່ານຟ້າ ໃນງານສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ
ພັນເອກ ພິມມະຈັນ ວົງປັນຍາ ຮອງກອງບັນຊາການທະຫານອາກາດ ຫົວໜ້າຫ້ອງ ອົບຮົມການບິນ, ຫົວໜ້າຄະນະຮັບຜິດຊອບການບິນສະແດງສວນສະໜາມຂອງເຫຼົ່າຮົບອາກາດ ກອງທັບປະຊາຊົນລາວ ໃຫ້ສໍາພາດ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ (20 ມັງກອນ 1949-20 ມັງກອນ 2024) ວ່າ: ເຫຼົ່າຮົບອາກາດກໍເປັນເຫຼົ່າຮົບໜຶ່ງຂອງກອງທັບປະຊາຊົນ ລາວໃຕ້ການຊີ້ນໍາ-ນໍາພາໂດຍກົງຮອບດ້ານຂອງຄະນະພັກກະຊວງປ້ອງກັນປະເທດ ເຫຼົ່າຮົບທະຫານ ອາກາດຖືກສ້າງຕັ້ງຂຶ້ນ ໃນວັນທີ 4 ເມສາ 1970 ຢູ່ເຂດທີ່ໝັ້ນ ເມືອງວຽງໄຊ ແຂວງຫົວພັນ ໃນ ເວລານັ້ນມີພຽງແຕ່ 1 ກອງຮ້ອຍ ແລະ ຈໍານວນພົນມີແຕ່ປະມານ 100 ຄົນ, ນັບແຕ່ມື້ສ້າງຕັ້ງມາ ປັດຈຸບັນໄດ້ມີການເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບຈາກໜຶ່ງກອງຮ້ອຍມາ ເປັນກອງພັນຈາກໜຶ່ງກອງພັນມາເປັນສອງກອງພັນ ໃນປັດຈຸບັນໄດ້ເປັນກອງບັນຊາການທະຫານ ອາກາດ ມີກອງພັນໃຫຍ່ 702, ກອງພັນໃຫຍ່ 703, ກອງພັນນ້ອຍ 705, ກອງພັນນ້ອຍ706, ມີ ກອງຮ້ອຍຣາດາ (ຜາງອຍ) ຂຶ້ນກັບ ທີ່ມີພະນັກງານວິຊາການນັກບິນ, ນາຍຊ່າງນັກວິສາວະກອນທຸກ ຂະແໜງການ ທີ່ໄດ້ຜ່ານການສຶກສາຮໍ່າຮຽນທັງພາຍໃນ ແລະ ຕ່າງປະເທດທຸກຄົນລ້ວນແລ້ວແຕ່ມີ ຄວາມຮູ້ຄວາມສາມາດທາງດ້ານວິຊາການທີ່ແນ່ນອນ ດັ່ງນັ້ນການນໍາພັກ-ລັດຂັ້ນເທິງກໍໄດ້ເອົາໃຈໃສ່ ຈັດຊື້ເຄື່ອງບິນປະກອບໃຫ້ກອງທັບອາກາດເຊັ່ນ: ເຮືອບິນຂັບໄລ່ອາຍພົນ, ເຮືອບິນຫັດແອບຂັ້ນກາງ, ຂັ້ນສູງ ແລະ ເຮືອບິນລໍາລຽງຂົນສົ່ງ, ໜ້າທີ່ຕົ້ນຕໍຂອງກອງທັບອາກາດແມ່ນບິນຫັດແອບກຽມພ້ອມສູ້ ຮົບ ແລະ ເຮັດໜ້າທີ່ສູ້ຮົບໂດຍກົງ, ບິນຮັບໃຊ້ການນຳ ພັກ-ລັດຂັ້ນສູງ, ບິນຮັບປະກັນໃນເຂດຈຸດສຸມ ເຂດຊົນນະບົດ, ເຂດທຸລະກັນດານ ນອກຈາກນັ້ນຍັງໄດ້ບິນຂົນສົ່ງລໍາລຽງກໍາລັງພົນ ແລະ ວັດຖຸຍຸດ ໂທປະກອນຢູ່ທຸກເຂດແຂວງໃນທົ່ວປະເທດ ສັງເກດເຫັນວ່ານັບມື້ສ້າງຕັ້ງມາຮອດປັດຈຸບັນສາມາດ ເຮັດສຳເລັດໜ້າທີ່-ທີ່ຂັ້ນເທິງມອບໝາຍໃຫ້ຢ່າງຈົບງາມ.
ໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ກອງບັນຊາການທະຫານອາກາດໄດ້ຮັບການມອບໝາຍຈາກຂັ້ນເທິງໃຫ້ເອົາ ເຮືອບິນຈໍານວນໜຶ່ງເຂົ້າຮ່ວມການສະແດງສວນສະໜາມເພື່ອໃຫ້ມວນຊົນເຫັນການເຕີບໃຫຍ່ຂອງ ກອງທັບອາກາດ, ໃນການເຂົ້າຮ່ວມໃນຄັ້ງນີ້ມີ 4 ຝຸງບິນຄື: ຝຸງບິນຍົນຫັດແອບຂັ້ນຕົ້ນ, ຝຸງບິນຍົນຂຶ້ນຊື່, ຝຸງບິນອາຍພົນ ກາ-8 ແລະ ຢັກ-130 ເປັນເຄື່ອງບິນສູ້ຮົບທັງເປັນເຄື່ອງບິນຫັດແບບຂັ້ນສູງ, ຫຼັງຈາກບິນເປັນຝຸງແລ້ວຈະມີ ຍັກ 130 ໜຶ່ງລໍາຈະປະຕິບັດບິນໂຊ ແລະ ສະແດງຢູ່ເທິງດ່ານຟ້າ ພິເສດ ປີນີ້ຈະມີທີມເຄື່ອງບິນກອງທັບອາກາດປະຊາຊົນຈີນນົກເຂົາແດງຈະມາຮ່ວມສ້າງບັນຍາກາດໃນໂອກາດວັນສ້າງຕັ້ງກອງທັບປະຊາຊົນລາວຄົບຮອບ 75 ປີ ພວກເຂົາຈະນໍາໃຊ້ເຄື່ອງບິນອາຍພົນ GL8 ຈໍາ ນວນ 9 ລຳ.
