ປກສ ເມືອງອຸທຸມພອນ ສຶກສາອົບຮົມໄວໜຸ່ມຂັບຂີ່ລົດໄວ,ໃຊ້ສຽງດັງ ແລະ ດັດແປງສະພາບເຕັກນິກລົດ ພ້ອມຢຶດລົດໄດ້ 18 ຄັນ
ວັນທີ 12 ມັງກອນ 2024, ກອງບັນຊາການ ປກສ ເມືອງອຸທຸມພອນ ສຶກສາອົບຮົມກຸ່ມເປົ້າໝາຍໄວໜຸ່ມ ທີ່ຂັບຂີ່ລົດໄວ,ໃຊ້ສຽງດັງໃນຍາມກາງຄືນທີ່ດັດແປງສະພາບເຕັກນິກລົດ ແລະ ຢຶດລົດໄດ້ 18 ຄັນ, ບໍ່ມີເອກະສານ 13 ຄັນ ທີ່ດັດແປງສະພາບເຕັກນິກລົດ, ພ້ອມທັງປັບໃໝຕາມລະບຽບກົດໝາຍ.
ພັນຕີ ຄໍາຕັນ ເຄນໄຊບຸນຍະເລດ ຮອງຫົວໜ້າພະແນກ ຊີ້ນໍາວຽກຈາລະຈອນ,ກອງບັນຊາການ ປກສ ເມືອງໃຫ້ຮູ້ວ່າ: ສໍາລັບໄວໜຸ່ມທີ່ນໍາມາສຶກສາອົບຮົມຄັ້ງນີ້ແມ່ນຢາກໃຫ້ຮູ້ຈັກລະບຽບກົດໝາຍ, ຮູ້ຈັກການຂັບຂີ່ລົດຕາມທ້ອງຖະໜົນຫຼວງ, ຮູ້ຈັກກົດລະບຽບຈາລະຈອນ, ສິ່ງສໍາຄັນກໍແມ່ນກົດໝາຍປະມວນອາຍາ ມາດຕາ 149 ,150 ແລະ 188 ມີທັງໂທດຈໍາຄຸກ ແລະ ປັບໃໝຕໍ່ຜູ້ກະທໍາຜິດ, ພ້ອມທັງຮຽກຮ້ອງໃຫ້ພໍ່ແມ່ຜູ້ປົກຄອງຕ້ອງໄດ້ເອົາໃຈໃສ່ຕິດຕາມລູກຫຼານຂອງຕົນຢ່າງຄັກແນ່ໃນແຕ່ລະມື້ ບໍ່ໃຫ້ເຂົາເຈົ້າໄປເດິກມາດື່ນ, ບໍ່ໃຫ້ມີການຂັບຂີ່ລົດໄວ, ໃຊ້ສຽງດັງ ທີ່ສ້າງຄວາມລົບກວນແກ່ຜູ້ອື່ນໃນຍາມຫລັບນອນກາງຄືນ
ລົດທີ່ຢຶດໄດ້ກ່ອນຈະເອົາເມືອຕ້ອງໄດ້ປ່ຽນຢາງນ້ອຍ, ແມັກ, ທໍ່, ໃສ່ແວ່ນ, ສະເຕີ ແລະ ອື່ນໆໃຫ້ກັບຄືນສູ່ສະພາບເດີມເສຍກ່ອນຈິ່ງຈະເອົາເມືອໄດ້, ຖ້າບໍ່ດັ່ງນັ້ນແມ່ນບໍ່ໃຫ້ເອົາເມືອຢ່າງເດັດຂາດ.
