ສ.ເກົາຫລີ ຂາດດຸນງົບປະມານ ເກືອບ 50 ຕື້ໂດລາສະຫະລັດ

ສຳນັກຂ່າວສານ ຫວຽດນາມ ລາຍງານວ່າ: ໂດຍຄິດໄລ່ເຖິງ ເດືອນພະຈິກປີ 2023, ລາຍໄດ້ງົບປະ ມານ ແຫ່ງລັດຂອງ ສ.ເກົາຫລີ ບັນລຸ 529.200 ຕື້ວອນ (402,54 ຕື້ໂດລາ ສະຫະລັດ), ຫລຸດລົງ 42.400 ຕື້ວອນ (32,25ຕື້ໂດລາສະຫະລັດ) ທຽບກັບ ໄລຍະດຽວກັນ ຂອງປີ 2022.

ຕາມການ ລາຍງານ ທ່າອຽງ ດ້ານການເງິນ ໃນເດືອນມັງກອນ ປີ 2024 , ທີ່ເຜີຍແຜ່ ໂດຍກະຊວງແຜນການ ແລະ ການເງິນ ຂອງ ສ.ເກົາຫລີ ລົງໃນວັນທີ 11 ມັງກອນວ່າ: ລາຍໄດ້ຈາກ ພາສີຫລຸດລົງ 49.400 ຕື້ວອນ(37,58 ຕື້ໂດລາ ສະຫະລັດ) ເຫລືອ 324.200 ຕື້ວອນ (246,6 ຕື້ໂດລາ ສະຫະລັດ) , ເນື່ອງຈາກ ການຫລຸດລົງ ຂອງພາສີ, ພາສີ ວິສາຫະກິດ, ພາສີມູນຄ່າເພີ່ມ ລ້ວນແລ້ວ ແຕ່ຫລຸດລົງ. ສ່ວນລາຍຮັບ ທີ່ບໍ່ແມ່ນພາສີ ບັນລຸ 24.800 ຕື້ວອນ (18,86 ຕື້ໂດລາສະຫະລັດ), ຫລຸດລົງ 2.600 ຕື້ວອນ(1,98ຕື້ໂດລາ ສະຫະລັດ).

ໂດຍຍອດລາຍຈ່າຍ ງົບປະມານແຫ່ງລັດ ຄິດໄລ່ເຖິງ ເດືອນພະຈິກ 2023 ແມ່ນ 548.600 ຕື້ວອນ(417,3 ຕື້ໂດລາ ສະຫະລັດ) ຫລຸດລົງ 78.800 ຕື້ວອນ (56,14ຕື້ໂດລາສະຫະລັດ) ທຽບກັບ ໄລຍະ ດຽວກັນ ຂອງປີກ່ອນ. ການຫລຸດລົງ ຢ່າງເຂັ້ມແຂງນີ້ ເນື່ອງຈາກ ໂຄງການ ຮັບມືກັບ ການແພ່ລະບາດ ຂອງພະຍາດ ໂຄວິດ-19 ໄດ້ຫລຸດລົງ ແລະ ນະໂຍບາຍ ທົດແທນ ຄວາມສູນເສຍຂອງ ທຸລະກິດ ກໍ່ສິ້ນສຸດລົງ.