ປະເທດເປຣູ ເກີດມີຝົນຕົກໜັກ ແລະ ນ້ຳຖ້ວມຢູ່ໃນຫລາຍພື້ນທີ່
December 31, 2023 - 3:35 PM
ວັນທີ 30 ທັນວາ 2023, ສຳນັກງານຂ່າວຕ່າງປະເທດລາຍງານວ່າ: ເກີດມີຝົນຕົກໜັກ ແລະ ນ້ຳຖ້ວມຢູ່ໃນຫລາຍພື້ນທີ່ຂອງເຂດ ແອມະຊໍນາສ ພາກຕາເວັນອອກສຽງເໜືອຂອງປະເທດເປຣູ, ປະຊາຊົນຕ້ອງປະຖິ້ມເຮືອນຊານ ແລະ ສິ່ງຂອງ ອົບພະຍົບໜີນ້ຳໄປຢູ່ພື້ນທີ່ສູງ. ຫລາຍຝ່າຍຖືວ່າເປັນອິດທິພົນຂອງປະກົດການ ເອວນີໂນ.
ເຈົ້າໜ້າທີ່ເປຣູ ກ່າວວ່າ: ຖ້າຝົນຍັງສືບຕໍ່ຕົກໜັກຢ່າງຕໍ່ເນື່ອງ ອາດຈະຕ້ອງມີການປະກາດສັ່ງອົບພະຍົບປະຊາຊົນ ພ້ອມນີ້ໄດ້ແນະນຳໃຫ້ປະຊາຊົນ ເອົາໃຈໃສ່ຕິດຕາມສະຖານະການຢ່າງໃກ້ສິດ ແລະ ບໍ່ໃຫ້ເຂົ້າໄປໃກ້ແມ່ນ້ຳຕ່າງໆ ທີ່ລະດັບນ້ຳໄດ້ເພີ່ມຂຶ້ນໃນໄລຍະນີ້. ເນື່ອງຈາກຝົນຕົກໜັກ ແລະ ນ້ຳຖ້ວມຢູ່ປະເທດເປຣູໃນຄັ້ງນີ້ ຫລາຍຝ່າຍຖືວ່າເປັນອິດທິພົນຂອງປະກົດການ ເອວນີໂນ.
