ດີເຄກຽມເປີດສອນບານເຕະຟຣີໃຫ້ເດັກນ້ອຍອາຍຸ 6-9 ປີ

ສະໂມສອນດີເຄ ເອັຟຊີ ກຽມເປີດສອນຟຣີໃຫ້ກັບເດັກນ້ອຍທີ່ມີຄວາມຮັກມັກດ້ານກິລາເຕະບານ ພ້ອມທັງບັນຈຸ ເຂົ້າເປັນນັກກິລາສະໂມສອນ ເຊິ່ງຈະຈັດຂຶ້ນລະຫວ່າງວັນທີ 7-8 ຕຸລານີ້ ເພື່ອເປັນພື້ນຖານ ພັດທະນາເຕັກນິກການຫລິ້ນ ບານໃຫ້ດີຂຶ້ນ ໂດຍຄູຝຶກຕ່າງ ປະເທດທີ່ມີຄວາມຊໍານານ ທາງກິລາບານເຕະເປັນຜູ້ຝຶກ ສອນໃຫ້.
ທ່ານ ອາລ໋ອບ ມະນີບົດ ປະທານສະໂມສອນດີເຄເອັຟຊີ ໃຫ້ສໍາພາດວ່າ: ການເປີດ ສອນຄັ້ງນີ້ເປັນຄັ້ງທໍາອິດ ຈຸດ ປະສົງແມ່ນຢາກພັັດທະນາວົງການກິລາລາວໃຫ້ດີຂຶ້ນເທື່ອ ລະກ້າວໂດຍປູກຈິດສໍານຶກໃຫ້ກັບເດັກນ້ອຍໃຫ້ມີຄວາມຮັກ ມັກດ້ານກິລາບານເຕະໃຫ້ ຫລາຍຂຶ້ນໂດຍເປົ້າໝາຍແມ່ນເດັກນ້ອຍອາຍຸປະມານ 6-9 ປີ. ການຝຶກສອນດັ່ງກ່າວທາງ ສະໂມສອນຂອງພວກເຮົາຈະເນັ້ນຝຶກສອນທັກສະການຈັບ ບານ ແລະ ການສໍາພັນບານ ໃຫ້ມີຄວາມຄ່ອງແຄ້ວໂດຍຄູ ຝຶກຕ່າງປະເທດທີ່ມີຄວາມຊໍານານຜ່ານການແຂ່ງຂັນລາຍ ການຕ່າງໆໃນທະວີບເອີຣົບ ແລະ ອາຊີມາຫລາຍຄັ້ງ.
ຖ້າຜູ້ປົກຄອງທ່ານໃດສົນໃຈເອົາລູກເຂົ້າຮຽນກັບສະໂມສອນດັ່ງກ່າວທີ່ສະໜາມກິລາອາລ໋ອບສະເຕດ້ຽມ ບ້ານສະ ພັງມຶກ ເມືອງໄຊທານີ ນະ ຄອນຫລວງວຽງຈັນ ຫລື ສາ ມາດພົວພັນໄດ້ທີ່ 020997 77663 ທ່ານ ອາລ໋ອບ ມະນີ ບົດ.