ວັນພັກທາງລັດຖະການ ແລະ ວັນພັກຊົດເຊີຍ ໃນປີ 2024

ວັນທີ 29 ທັນວາ 2023 ນີ້ ຫ້ອງວ່າການສໍານັກງານນາຍົກລັດຖະມົນຕີ ອອກແຈ້ງການ ກ່ຽວກັບວັນພັກທາງລັດຖະການ ແລະ ວັນພັກຊົດເຊີຍ ໃນປີ 2024 ເພື່ອຄວາມເປັນເອກະພາບໃນຂອບເຂດທົ່ວປະເທດ ແລະ ເປັນບ່ອນອີງໃນການຂຶ້ນ ແຜນການຈັດຕັ້ງປະຕິບັດວຽກງານລ່ວງຫນ້າ ແລະ ລະອຽດຄື:

1. ວັນທີ 01 ມັງກອນ 2024 ພັກວັນປີໃໝ່ສາກົນ;
2. ວັນທີ 08 ມີນາ 2024 ພັກວັນແມ່ຍິງສາກົນ;
3. ວັນທີ 13-16 ເມສາ 2024 ພັກວັນບຸນປີໃໝ່ລາວ ແຕ່ເນື່ອງຈາກວ່າວັນທີ 13-14 ເມສາ 2024 ກົງກັບ ວັນພັກ ປະຈໍາອາທິດ (ວັນເສົາ ແລະ ວັນອາທິດ) ຈຶ່ງກໍານົດເອົາວັນທີ 17-18 ເມສາ 2024 ເປັນວັນພັກ ຊົດເຊີຍ;
4. ວັນທີ 01 ພຶດສະພາ 2024 ພັກວັນກໍາມະກອນສາກົນ;
5. ວັນທີ 20 ກໍລະກົດ 2024 ພັກວັນສ້າງຕັ້ງສະຫະພັນແມ່ຍິງລາວ (ເປັນວັນພັກທາງລັດຖະການສໍາລັບພະນັກງານ- ລັດຖະກອນ ແລະ ກໍາມະກອນເພດຍິງ) ແຕ່ເນື່ອງຈາກວ່າວັນທີ 20 ກໍລະກົດ 2024 ກົງກັບວັນພັກປະຈໍາອາທິດ (ວັນເສົາ) ຈຶ່ງກໍານົດເອົາວັນທີ 22 ກໍລະກົດ 2024 ເປັນວັນພັກຊົດເຊີຍ.
6. ວັນທີ 02 ທັນວາ 2024 ພັກວັນສະຖາປະນາ ສປປ ລາວ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມເນື້ອໃນແຈ້ງການສະບັບນີ້ດ້ວຍ.