7 ຄຸນລັກສະນະຂອງແມ່ຍິງທີ່ຜູ້ຊາຍຫລົງຮັກ

1. ຮັກຄວາມສະອາດ : ຜູູ້ຊາຍມັກແມ່ຍິງທີ່ຮູ້ຈັກເບິ່ງແຍງດູແລໂຕເອງ, ເບິ່ງແຍງເຮືອນຊານໃຫ້ສະອາດ ຍ້ອນນິໄສຂອງຜູ້ຊາຍນັ້ນບົກພ່ອງໃນດ້ານນີ້ ເຂົາຈຶ່ງຕ້ອງການທ່ານເພື່ອມາຕື່ມເຕັມ.
2. ເປັນຜູ້ຟັງທີ່ດີ : ບາງເທື່ອຜູ້ຊາຍພຽງແຕ່ຕ້ອງການບ່ອນລະບາຍໃຫ້ເຂົາໄດ້ເວົ້າແລ້ວມີຄົນຮັບຟັງຢ່າງເຂົ້າໃຈຫລາຍກ່ວາການຈະຊຳ້ຕື່ມ ຫລື ໄປສອນເຂົາໃນວິນາທີທີ່ເຂົາກຳລັງບໍ່ສະບາຍໃຈ.

3.​ ເປັນທຳມະຊາດ : ຜູ້ຊາຍມັກແມ່ຍິງທີ່ເປັນໂຕຂອງໂຕເອງ, ບໍ່ຕ້ອງເຮັດຫຍັງຫລາຍ ພຽງແຕ່ທ່ານເຮັດໂຕໃຫ້ໜ້າຮັກຕາມທຳມະຊາດຂອງທ່ານ ເທົ່ານີ້ກໍມີສະເໜ່ແລ້ວ.

4. ຂັບລົດເກັ່ງ : ບາງເທື່ອເຂົາກໍອາດຈະຢາກໃຫ້ທ່ານເປັນຜູ້ຂັບລົດໃຫ້ເຂົານັ່ງພາເຂົາໄປໃສຕໍ່ໃສຄືກັນ ເຊິ່ງແມ່ຍິງທີ່ຂັບລົດເກັ່ງຖືວ່າມີສະເໜ່ສຳລັບຜູ້ຊາຍ.
5. ປະສົບຄວາມສຳເລັດໃນຊີວິດ : ເຂົາກໍຄົງບໍ່ຢາກໄດ້ແມ່ຍິງທີ່ເຂົາເບິ່ງແລ້ວວ່າຕ້ອງລ້ຽງນາງໄປຕະຫລອດຊີວິດ ເພາະມັນສະໄໝໃໝ່ແລ້ວ ຜູ້ຊາຍສ່ວນຫລາຍຈະມັກແມ່ຍິງທີ່ດູແລໂຕເອງໄດ້ ບໍ່ຕ້ອງເຖິງຂັ້ນຮັ່ງມີ ພຽງແຕ່ເຮັດຫຍັງແລ້ວບໍ່ລົ້ມເຫລວໄປໝົດກໍພໍ.
6. ສະຫລາດແຕ່ທຳທ່າໂງ່ : ເຂົາບໍ່ມັກແນ່ນອນແມ່ຍິງທີ່ຫົວບໍ່ດີ ຜູ້ຊາຍມັກແມ່ຍິງທີ່ສະຫລາດ, ແຕ່ກໍໍບໍ່ມັກໃຫ້ມາອວດຮູ້ ຫລື ມາຂົ່ມວ່າຮູ້ຫລາຍກ່ວາເຂົາ ແລະ ບໍ່ມັກແມ່ຍິງທີ່ເຮັດໂຕຮູ້ທັນໄປໝົດທຸກເລື່ອງ ເອີ້ນໄດ້ງ່າຍໆວ່າມັກແມ່ຍິງທີ່ສະຫລາດ, ແຕ່ເຮັດທຳທ່າໂງ່ຫລາຍກ່ວາ.

7.​ ເປັນຜູ້ນຳແດ່ໃນບາງໂອກາດ : ບາງເທື່ອເຂົາກໍຢາກໃຫ້ແມ່ຍິງເປັນຜູ້ນຳແດ່ໃນບາງເລື່ອງທີ່ບໍ່ເກີນກຳລັງ ແມ່ຍິງເຮົາກໍສາມາດເປັນຜູ້ນຳໄດ້ ເຊິ່ງເຮົາຈະເບິ່ງເຂັ້ມແຂງ ແລະ ພ້ອມຈະຢູ່ກັບເຂົາໄປຕະຫລອດໃນມື້ທີ່ເຂົາອ່ອນແອ.