ອົງຄະນະພັກສານປະຊາຊົນສູງສຸດ ຈັດກອງປະຊຸມຄົບຄະນະບໍລິຫານງານພັກເປີດກວ້າງ ຄັ້ງທີ 11 ສະໄໝທີ IV

ກອງປະຊຸມຄົບຄະນະບໍລິຫານງານພັກເປີດກວ້າງ ຄັ້ງທີ 11 ສະໄໝທີ IV ຂອງອົງຄະນະພັກສານປະຊາຊົນສູງສຸດ ໄດ້ຈັດຂຶ້ນໃນວັນທີ 27 ທັນວາ 2023 ນີ້ ພາຍໃຕ້ການເປັນປະທານຂອງ ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງ ຊຶ່ງມີບັນດາສະຫາຍຮອງເລຂາຄະນະບໍລິຫານງານພັກ, ຄະນະປະຈຳພັກ, ກຳມະການຄະນະບໍລິຫານງານພັກ, ເລຂາ, ຮອງເລຂາ, ປະທານກວດກາໜ່ວຍພັກ ສານປະຊາຊົນສູງສຸດ ເຂົ້າຮ່ວມ.

ປະທານກອງປະຊຸມໄດ້ກ່າວຈຸດປະສົງຂອງກອງປະຊຸມໃນຄັ້ງນີ້ວ່າ: ພວກເຮົາຈະໄດ້ພ້ອມກັນຮັບຟັງ ແລະ ຄົ້ນຄວ້າປະກອບຄຳຄິດຄຳເຫັນຕໍ່ບັນດາເນື້ອໃນເອກະສານສໍາຄັນດັ່ງນີ້:

1 ສະຫຼຸບຕີລາຄາການນຳພາ – ຊີ້ນຳຂອງຄະນະບໍລິຫານງານພັກ ໃນ 1 ປີ ຜ່ານມາ ແລະ ທິດທາງແຜນການປະຈຳປີ 2024;

2. ພິຈາລະນາຮັບຮອງແຜນດຳເນີນງານຂອງຄະນະບໍລິຫານງານພັກ ສະໄໝທີ IV ປະຈຳປີ 2024;

3. ລາຍງານການປະເມີນຄືນແຜນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງບັນດາໜ່ວຍພັກທີ່ຂຶ້ນກັບອົງຄະນະພັກ ສານປະຊາຊົນສູງສຸດ; 4. ຕີລາຄາວຽກງານແນວຄິດ, ຕ້ານ, ສະກັດກັ້ນປາກົດການຫຍໍ້ທໍ້ໃນສານປະຊາຊົນ;

5. ສະຫຼຸບການຈັດຕັ້ງເຄື່ອນໄຫວວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ;

6. ນຳສະເໜີແຜນປະເມີນຄືນການກຳນົດພະນັກງານ-ນຳພາຄຸ້ມຄອງ ຂອງສານປະຊາຊົນໃນຂອບເຂດທົ່ວປະເທດ;

7. ຕີລາຄາຄືນວຽກງານຂໍ້ມູນຂ່າວສານ ແລະ ການສ້າງຄວາມຮັບຮູ້ເຂົ້າໃຈກ່ຽວກັບກົດໝາຍ ແລະ ການດຳເນີນຄະດີຂອງສານ;

8. ຕີລາຄາການຄົ້ນຄວ້າຄະດີແບບໃໝ່, ການປະຊຸມສານຢ່າງເປັນລະບົບ;

9. ສະຫຼຸບ, ຕີລາຄາວຽກງານສະຫະພັນກຳມະບານ ແລະ 10ສະຫຼຸບ ຕີລາຄາວຽກງານຊາວໜຸ່ມ.